"ఓటర్ల తుది జాబితా ప్రచురణకు గడువు పెంపు"

త్వరలోనే రాష్ట్రంలో జరగనున్న పురపాలక ఎన్నికలకు సంబంధించి ఓటర్ల తుది జాబితా ప్రచురణకు ఎన్నికల సంఘం గడువు పొడిగించింది. తుది ప్రక్రియ ప్రచురణకు మరికొంత గడువు కోరిన పాలనాధికారుల విజ్ఞప్తి మేరకు రాష్ట్ర ఈసీ ఈ నిర్ణయం తీసుకుంది.

పురపాలక ఎన్నికల్లో ఓటర్ల తుది జాబితా ప్రచురణకు గడువు మరో రెండు రోజులు పెంచుతూ ఆదివారం రాష్ట్ర ఎన్నికల సంఘం ఉత్తర్వులు జారీ చేసింది. రాష్ట్రంలో ఎన్నికలు జరగనున్న 129 పురపాలక సంఘాలు, మూడు నగరపాలక సంస్థల్లో ఓటర్ల తుది జాబితా నేడు ప్రచురించాల్సి ఉంది. ఈ గడువును మంగళవారం వరకు పెంచుతూ రాష్ట్ర ఎన్నికల సంఘం నిర్ణయం తీసుకుంది.

వార్డుల వారీగా ఓటర్ల తుది జాబితా ప్రచురణకు గడువు పొడిగించాలని కలెక్టర్ల విజ్ఞప్తి మేరకు ఈ నిర్ణయం తీసుకున్నట్లు ఎన్నికల సంఘం కమిషనర్ ఉత్తర్వుల్లో పేర్కొన్నారు. నిజామాబాద్‌, కరీంనగర్‌, రామగుండం నగరపాలక సంఘాలు, 129 పురపాలక సంఘాల్లో ఓటర్ల జాబితా ఈ నెల 16వ తేదీన విడుదల చేయనున్నారు. ఇవీ చూడండి : గాంధీ ఆస్పత్రిలో డీవైఎఫ్ఐ కార్యకర్తల ధర్నా