జలమండలి వ‌న్టైమ్ సెటిల్ మెంట్ ప‌థ‌కంలో భాగంగా మొబైల్ క‌లెక్షన్ వాహనాలు అందుబాటులోకి వచ్చాయి. వీటిని జలమండలి ఎండీ దానకిశోర్ జెండా ఊపి ప్రారంభించారు. పాత బ‌కాయిల‌ను వినియోగదారులు చెల్లించేందుకు ఈ ప‌థకాన్ని అందుబాటులోకి తీసుకువచ్చిన్నట్టు వివ‌రించారు. ఇందులో భాగంగా బ‌కాయిదారుల‌కు బిల్లుల‌పై వేసిన మొత్తం వ‌డ్డీ రాయితీ ఇవ్వనున్నట్టు ఆయన తెలిపారు. ఈ ప‌థకం వ‌చ్చేనెల 15 వ‌ర‌కు అమ‌లులో ఉంటుంద‌ని వివ‌రించారు.
వినియోగదారులు వాహనాల వ‌ద్దకు వెళ్తే... ఓటీఎస్ ప‌థ‌కానికి అర్హులా? కాదా?.. ఒక వేళ అయితే మీకు ఎంత వ‌డ్డీ రాయితీ వస్తుంది, అనే విష‌యాల‌ను తెలియ‌జేస్తారు. బిల్లులు చెల్లించాలనుకుంటే ఈ వాహనాల వ‌ద్దనే చెల్లించ‌వ‌చ్చునని తెలిపారు. మీకు చెల్లింపు చేసిన‌ట్లుగా వెంట‌నే ర‌సీదులు ఇస్తారని పేర్కొన్నారు. ఈ కార్యక్రమంలో జలమండలి టెక్నిక‌ల్ డైరెక్టర్ వి.ఎల్. ప్రవీణ్ కుమార్తో పాటు రెవెన్యూ సీజీఎమ్‌ పాల్గొన్నారు.
ఇదీ చదవండి- సెప్టెంబర్ 1 నుంచి మెట్రో రైల్ సర్వీసులు!
