భారత్‌ బయోటెక్‌ ఇంటర్నేషనల్‌ అభివృద్ధి చేసిన కొవాగ్జిన్ టీకా ప్రయోగాలు హైదరాబాద్‌లోని నిమ్స్ ఆసుపత్రిలో కొనసాగుతున్నాయి. మూడో దశ ప్రయోగాల్లో భాగంగా సోమవారం 15 మంది వాలంటీర్లకు తొలి డోస్ ఇచ్చారు. ఇప్పటివరకు 900 మంది వాలంటీర్లకు తొలి డోస్ ఇచ్చినట్లు ప్రత్యేక వైద్య బృందం వెల్లడించింది. తొలి డోస్ ఇచ్చి.. 28 రోజులు పూర్తయిన 20 మంది వాలంటీర్లకు బూస్టర్‌ డోస్ ఇచ్చామని తెలిపారు. మరో 200 మంది వాలంటీర్లకు డోస్ ఇవ్వనున్నామని, ఈ నెల చివరి వరకు ఈ ప్రక్రియ పూర్తవుతుందని వైద్యులు పేర్కొన్నారు.
ఇదీ చూడండి: కరోనా వైరస్ స్ట్రెయిన్తో రాష్ట్ర వైద్య శాఖ అప్రమత్తం
