వెంటిలేటర్ తీసేశారు ఊపిరాడటంలేదన్నా కూడా పెట్టడం లేదు... నేను చనిపోతున్న బాయ్ డాడీ అంటూ ఓ వ్యక్తి తుది శ్వాస విడిచే ముందు తీసుకున్న వీడియోలో పలికిన చివరి మాటలివి. మేడ్చల్ జిల్లా జవహర్నగర్ కార్పొరేషన్ పరిధిలోని బీజేఆర్ నగర్కి చెందిన ఓ వ్యక్తి కరోనాతో హైదరాబాద్ ఎర్రగడ్డలోని చెస్ట్ ఆసుపత్రిలో చికిత్స పొందుతున్నాడు. పరిస్థితి విషమించడం వల్ల తనకు వెంటిలేటర్ మీద చికిత్స అందించాలని ప్రాధేయపడినా లాభం లేకపోయింది. ఆసుపత్రి యాజమాన్యం నిర్వాకం వల్ల ప్రాణాలు కోల్పోయాడని కుటుంబ సభ్యులు ఆరోపించారు. శుక్రవారం తెల్లవారుజామున బాధితుడి మృతదేహాన్ని హుటాహుటిన ఆసుపత్రి యాజమాన్యం చేతులు దులుపుకుందని కుటుంబ సభ్యులు వాపోయారు.
" ఊపిరాడుతలేదని చెప్తే కూడా వినకుండా వెంటిలేటర్ బంజేసిర్రు. ఇప్పటికి మూడు గంటలైంది డాడీ. నాకు ఊపిరాడుత లేదు. గుండె ఆగిపోయింది... ఊపిరొక్కటే కొట్టుకుంటుంది. బాయ్ డాడీ బాయ్. అందరికీ బాయ్ డాడీ."
--- బాధితుడి చివరి మాటలు
ఇవీ చూడండి: కరోనాపై ఆందోళన అవసరం లేదు.. అన్నీ సిద్ధంగా ఉన్నాయి: కేసీఆర్
