corona cases in TS: కొవిడ్ మహమ్మారి రెండేళ్లుగా రూపు మార్చుకుంటూ ప్రజలను ఏమార్చి గుల్ల చేస్తోంది. కరోనా కోరల నుంచి బయపడుతున్నామని సంబరపడే లోపే ఒమిక్రాన్‌గా రూపాంతరం చెంది మరోమారు ప్రపంచాన్ని వణికిస్తోంది. ఇప్పటి వరకు రాష్ట్రంలో ఒమిక్రాన్ కేసులు బయటపడక పోయినా విదేశాల నుంచి వచ్చిన మహిళకు పాజిటివ్ అని తేలింది. బాధితురాలికి టిమ్స్‌లో మహిళకు చికిత్స అందిస్తున్నారు. జీనోమ్ సీక్వెన్స్ ఫలితాలు రావాల్సి ఉంది.
క్రమంగా పెరుగుతున్న కేసులు
corona cases increase: రాష్ట్రంలో క్రమంగా కరోనా కేసుల సంఖ్య పెరుగుతుండటం ఆందోళన కలిగిస్తోంది. అక్టోబర్‌లో రాష్ట్రంలో రోజుకి సరాసరి 157 వరకు కొవిడ్ కేసులు నమోదయ్యాయి. ప్రస్తుతం ఆ సంఖ్య రెండొందలకు చేరువవుతుండటం కలకలం రేపుతోంది. ప్రస్తుతం జీహెచ్ఎంసీ పరిధిలోనూ కరోనా కేసుల సంఖ్యలో మార్పు కనిపిస్తోందని అధికారులు చెబుతున్నారు.
జీహెచ్ఎంసీలో కేసుల పెరుగుదల
covid cases in GHMC: జీహెచ్ఎంసీ పరిధిలో రోజుకు సుమారు 70 నుంచి 80 వరకు కరోనా కేసులు వస్తున్నాయి. రంగారెడ్డిలో 15 , మేడ్చల్ జిల్లాలో 20 వరకు కేసులు నమోదవుతున్నాయి. భద్రాద్రి కొత్తగూడెం, కరీంనగర్, వరంగల్ అర్బన్‌లో నిత్యం 10 వరకు కేసులు వస్తున్నాయి. ములుగులో కరోనా కేసులు సున్నాకు చేరుకున్నాయనుకుంటున్న తరుణంలో మరోమారు రోజు ఒకటి రెండు కేసులు వస్తున్నాయి.
మాస్కు లేకపోతే వెయ్యి జరిమానా
without mask fine: ఈ ఏడాది ఆరంభంలో సెకండ్‌ వేవ్‌తో జనం వణికిపోయారు. గత మూడు నెలలుగా కేసులు తగ్గుముఖం పట్టడంతో కొవిడ్ జాగ్రత్తలు విస్మరిస్తున్నారు. 60 శాతం మంది మాస్కులు సరిగ్గా ధరించటం లేదని వైద్యారోగ్య శాఖ అధికారులు చెబుతున్నారు. మాస్కులు లేకుండా బయటకు వచ్చే వారికి వెయ్యి జరిమానా విధించాలని వైద్యారోగ్య శాఖ పోలీస్‌ శాఖకు సూచించడం అప్రమత్తంగా ఉండాలనే సంకేతాలనిస్తోంది. కొవిడ్ టీకా సర్టిఫికెట్ లేని వారిని బహిరంగ ప్రదేశాలకు అనుమతించలేమన్న సంకేతాలు ఇస్తోంది.
నిబంధనలు పాటిస్తేనే సేఫ్
covid rules in TS: మాస్కులు, భౌతిక దూరం పాటిస్తూ... కొవిడ్ మార్గదర్శకాలు పాటిస్తే ఏ వేరియంట్ వచ్చినా ప్రాణాలకు ముప్పు ఉండదని వైద్యులు చెబుతున్నారు. ఒమిక్రాన్‌ను భయాందోళనల నేపథ్యంలో టీకాలు తీసుకుంటే మరింత రక్షణ లభిస్తుందని సూచిస్తున్నారు...
