ఆంధ్రప్రదేశ్లో గడిచిన 24 గంటల్లో 46,566 కరోనా పరీక్షలు నిర్వహించగా.. 115 పాజిటివ్ కేసులు నమోదయ్యాయి. ఒకరు కొవిడ్తో మృతి చెందారు. ఈ మేరకు రాష్ట్ర వైద్యారోగ్య శాఖ బులెటిన్‌ విడుదల చేసింది. దీంతో ఆ రాష్ట్రంలో నమోదైన మొత్తం కేసుల సంఖ్య 8,90,556కి చేరింది. ఏపీలో ఇప్పటివరకు 7,173 మంది ప్రాణాలు కోల్పోయారు.
ఒక్కరోజు వ్యవధిలో రాష్ట్రంలో 93 మంది పూర్తిగా కోలుకోగా.. ఇప్పటివరకు కోలుకున్న వారి సంఖ్య 8,82,462కి చేరింది. ప్రస్తుతం ఆ రాష్ట్రంలో 921యాక్టివ్‌ కేసులున్నట్లు ఆరోగ్య శాఖ తెలిపింది. ఇప్పటివరకు రాష్ట్రంలో 1,41,90,477 కరోనా శాంపిల్స్‌ని పరీక్షించినట్లు ఆరోగ్య శాఖ బులెటిన్‌లో వెల్లడించింది.
ఇదీ చదవండి: లైవ్ వీడియో: ట్రాక్టర్ బీభత్సం... నలుగురికి గాయాలు
