హైదరాబాద్ ముషీరాబాద్ నియోజకవర్గంలోని కరోనా కేసులు రోజురోజుకూ విజృంభిస్తున్నాయి. బోలక్పూర్, రాంనగర్, గాంధీనగర్ ప్రాంతాల్లో కరోనా వైరస్ కేసులు మరింత పెరుగుతున్నాయి. దీనివల్ల ప్రజలు తీవ్ర భయాందోళనకు గురవుతున్నారు. ఇప్పటివరకు దాదాపు 16 కరోనా కేసులు నమోదైనట్లు అధికారులు తెలిపారు.
పద్మశాలి కాలనీలో కొవిడ్ -19 పాజిటివ్ వచ్చిన 77 ఏళ్ల వ్యక్తి ఇవాళ మృతి చెందాడు. మరో ఇద్దరు వ్యక్తులకు పాజిటివ్ వచ్చింది. ఇప్పటివరకూ నియోజకవర్గంలో రెండు కరోనా మరణాలు చోటుచేసుకోవటం వల్ల ప్రజలు తీవ్ర భయాందోళనతో బిక్కుబిక్కుమంటున్నారు.
