మార్చి 22 నుంచి ఈనెల 16 వరకు మహిళల గృహ హింసకు సంబంధించి డయల్‌ 100 ద్వారా 522 ఫిర్యాదులు అందాయి. వెంటనే సైబరాబాద్‌ పోలీసులు అప్రమత్తమయ్యారు. ఫిర్యాదు రాగానే టెలీ కౌన్సెలింగ్‌ నిర్వహించి సమస్యను పరిష్కరించేందుకు ప్రయత్నిస్తున్నారు.
అక్కడ పరిష్కారం కాకపోతే షీ టీం బృందాలు రంగంలోకి దిగి ప్రత్యేకంగా కౌన్సెలింగ్‌ ఇస్తున్నాయి. బాధితురాలు, ఆమె కుటుంబ సభ్యులను కౌన్సెలింగ్‌ సెంటర్‌కు పిలిపించి నిపుణులతో మాట్లాడిస్తున్నారు. అప్పటికీ సమస్య పరిష్కారం కాకపోతే ఎఫ్‌ఐఆర్‌ నమోదు చేస్తున్నారు. గృహ హింస ఎదుర్కొనే మహిళలు నిర్భయంగా డయల్‌ 100 లేదా 94906 17261 నంబర్‌కు ఫిర్యాదు చేయాలని పోలీసులు సూచిస్తున్నారు.
ఇదీ చూడండి : నేటి అర్ధరాత్రి నుంచి టోల్ రుసుం వసూలు
