ఆర్​ఎస్​ఎస్​ చీఫ్ మోహన్​భగవత్​పై వీహెచ్​ ఫిర్యాదు

రాష్ట్రీయ స్వయం సేవక్​ సంఘ్​ చీఫ్​ మోహన్​ భగవత్​పై కాంగ్రెస్ సీనియర్​ నేత వి.హనుమంతరావు ఫిర్యాదు చేశారు.

ఆర్​ఎస్​ఎస్​ చీఫ్​ మోహన్​ భగవత్​పై ఎల్బీనగర్​ పోలీస్​ స్టేషన్​లో ఫిర్యాదు నమోదయింది. ఈనెల 25న సరూర్​నగర్​ స్టేడియంలో జరిగిన ఆర్​ఎస్​ఎస్​ సభలో మోహన్​భగవత్​ చేసిన వ్యాఖ్యలపై కాంగ్రెస్​ సీనియర్​ నేత వీహెచ్​ ఫిర్యాదు చేశారు.

భారత దేశంలో 130 కోట్ల మంది హిందువులంటూ... ఇతర మతాల వారి మనోభావాలు దెబ్బ తీసే విధంగా మోహన్ భగవత్ మాట్లాడారంటూ వీహెచ్​ ఆరోపించారు. ఆయనపై తగిన చర్యలు తీసుకోవాలని ఫిర్యాదులో పేర్కొన్నారు.

• ఇదీ చూడండి: 'అన్ని రంగాలకు 24గంటల విద్యుత్​ అందిస్తున్న ఏకైక రాష్ట్రం తెలంగాణ'