ప్రభుత్వం ధాన్యం కొనుగోలు విషయంలో మాట తప్పిందని పీసీసీ మాజీ అధ్యక్షుడు పొన్నాల లక్ష్మయ్య ఆరోపించారు. కాంగ్రెస్ పార్టీ చేపట్టిన రైతు సంక్షేమ దీక్షలో భాగంగా ఆయన ఇంట్లోనే దీక్షకు కూర్చున్నారు. 25శాతం ధాన్యం కూడా కొనుగోలు చేయకుండానే గన్నీ బ్యాగులు లేవని చెప్పితే...మిగిలిన 75శాతం ఎలా కొనుగోలు చేస్తారని ఆయన ప్రశ్నించారు. కొవిడ్‌-19 కిట్ల విషయంలోగాని, వలస కార్మికుల గణాంకాల విషయంలో ఒక్కో నేత ఒక్కో మాట చెబుతున్నారని.. ఎవరిది నిజమని ఆయన ప్రశ్నించారు. ఇచ్చిన మాట నిలబెట్టుకోవాలని ప్రభుత్వాన్ని డిమాండ్‌ చేశారు.
ఇవీ చూడండి: రాష్ట్ర ఆర్థిక పరిస్థితిపై శ్వేతపత్రం విడుదల చేయాలి: ఉత్తమ్
