ఎంతో ఇష్టంగా పెంచుకుంటున్న మొక్కను దొంగిలించారని పోలీస్స్టేషన్లో ఓ విశ్రాంత ఐపీఎస్ అధికారి ఫిర్యాదు చేశారు. జూబ్లీహిల్స్ రోడ్‌ నెంబర్‌ 18లో విశ్రాంత ఐపీఎస్ అధికారి అప్పారావు నివాసముంటున్నారు. ఆయన ఇంట్లోనే ఎన్నో అరుదైన మొక్కలను పెంచుతున్నారు.
ఆయన పెంచుకుంటున్న అరుదైన మొక్కల్లో బొన్సాయి ఒకటి. దీని విలువ మార్కెట్‌లో లక్ష రూపాయలకు పైగా పలుకుతుందని అప్పారావు తెలిపారు. ఆ మొక్కను దొంగతనం చేశారని జూబ్లీహిల్స్ పోలీసులకు ఫిర్యాదు చేశారు. తాను 40ఏళ్లుగా అరుదైన మొక్కలు పెంచుతున్నానని, ఎప్పుడూ ఇలా చోరీకి గురికాలేదన్నారు. కేసు నమోదు చేసిన పోలీసులు దర్యాప్తు వేగవంతం చేశారు. ఆ ఇంటికి సమీపంలో ఏర్పాటు చేసిన సీసీ కెమెరాల్లో నిక్షిప్తమైన దృశ్యాలను పరిశీలిస్తున్నారు.
ఇదీ చదవండి: దేశ రైతులు సాధించిన పాక్షిక విజయం: నిరంజన్రెడ్డి
