వాతావరణ సమతుల్యతను కాపాడటానికి.. పర్యావరణాన్ని పరిరక్షించడానికి ప్రతి ఒక్కరూ మొక్కలు నాటాలని మండలి ఛైర్మన్ గుత్తా సుఖేందర్రెడ్డి, శాసన సభాపతి పోచారం శ్రీనివాస్రెడ్డిలు పిలుపునిచ్చారు. ముఖ్యమంత్రి చంద్రశేఖరరావు జన్మదినాన్ని పురస్కరించుకుని అసెంబ్లీ ఆవరణలో మొక్కలు నాటారు. ముఖ్యమంత్రికి జన్మదిన శుభాకాంక్షలు తెలిపారు. సీఎం నిండు నూరేళ్లు ఆయురారోగ్యాలతో జీవించి.. ప్రజలకు సేవలందించాలని కోరుకున్నారు.
ఈ సందర్భంగా ప్రతి ఒక్కరూ మొక్కలు నాటి పర్యావరణాన్ని కాపాడుకోవాలని సూచించారు. రాజ్యసభ సభ్యులు సంతోశ్కుమార్ తలపెట్టిన కోటి వృక్షార్చనలో పాల్గొనాలని పిలుపునిచ్చారు. ఈ సందర్భంగా వాతావరణ సమతుల్యత దెబ్బతినకుండా ఉండాలంటే విరివిగా మొక్కలు నాటాలని సభాపతి సూచించారు. తద్వారా ఎలాంటి ప్రకృతి విపత్తులు తలెత్తకుండా ఉంటాయన్నారు.
ఇదీ చూడండి: కేసీఆర్కు అరుదైన బహుమతి.. జోరుగా 'కోటి వృక్షార్చన'
