ఏపీ విశాఖ ఉక్కు ప్రైవేటీకరణ నిర్ణయంపై ప్రధాని మోదీకి ఆ రాష్ట్ర ముఖ్యమంత్రి జగన్ మరోసారి లేఖ రాశారు. అందులో ప్రధాని అపాయింట్‌మెంట్‌ కోరారు. విశాఖ ఉక్కుపై నేరుగా చర్చించేందుకు అవకాశం ఇవ్వాలన్నారు. అఖిలపక్షంతో కలిసేందుకు అనుమతి ఇవ్వాలని ప్రధానికి జగన్ విజ్ఞప్తి చేశారు.
వంద శాతం పెట్టుబడుల ఉపసంహరణపై పునఃపరిశీలించాలని లేఖలో పేర్కొన్నారు. గతంలో రాసిన లేఖలోని అంశాలను మరోసారి ప్రస్తావించారు. కేంద్రంతో కలిసి పనిచేసేందుకు సిద్ధంగా ఉన్నామని స్పష్టం చేశారు. ఆర్‌ఐఎన్‌ఎల్‌ను లాభాల్లో తెచ్చేందుకు ఉక్కు మంత్రికి సూచనలు చేశామని.. ఆర్‌ఐఎన్‌ఎల్‌ సంస్థ వద్ద 7 వేల ఎకరాలు ఉపయోగించని భూమి ఉంది లేఖలో ప్రధానికి తెలిపారు. ప్లాట్ల కింద మార్చి ఆర్‌ఐఎన్‌ఎల్‌ను ఆర్థికంగా బలపరచవచ్చని ప్రధానికి జగన్ వివరించారు.
- ఇదీ చూడండి: 'భారత్కు నయా యుద్ధనీతి అవసరం'
