'జులై 13 నుంచి కృత్రిమ మేథలో సర్టిఫికెట్​ కోర్సు'

జులై 13 నుంచి రాష్ట్ర ప్రభుత్వం కృత్రిమ మేథలో సర్టిఫికెట్​ కోర్సును నిర్వహించనుంది. దాదాపు నెల రోజుల పాటు ఈ కోర్సు జరగనుంది.

తెలంగాణ ప్రభుత్వం ఇయర్ ఆఫ్ ఏఐ (ఆర్టిఫిషియల్​ ఇంటెలిజెన్స్)​ కార్యక్రమంలో భాగంగా అంతర్జాతీయ గుర్తింపుతో కృత్రిమ మేథలో సర్టిఫికెట్ కోర్సును నిర్వహించనుంది. జులై 13 నుంచి ఆగస్టు 8 వరకు దాదాపు నెలరోజులు జరగనున్న ఈ కోర్సును యూనివర్సిటీ ఆఫ్ టెక్సాస్ భాగస్వామ్యంతో డిజితాన్​ నిర్వహించనుంది.

వరల్డ్‌ ఎకనామిక్ ఫోరమ్ అంచనా ప్రకారం 2022 కల్లా 54 శాతం మంది ఉద్యోగులు కృత్రిమ మేథకు సంబంధించిన నైపుణ్యాలు నేర్చుకోవాల్సి ఉంటుంది.