రైల్వే ఉద్యోగులను ఫ్రంట్లైన్ వారియర్లుగా గుర్తించి వ్యాక్సినేషన్లో ప్రాధాన్యం ఇవ్వాలని కేంద్ర హోంశాఖ సహయ మంత్రి కిషన్ రెడ్డి ముఖ్యమంత్రి కేసీఆర్కు సూచించారు. దేశవ్యాప్తంగా కరోనాకు సంబంధించిన అత్యవసర వైద్య పరికరాల సరఫరాలో కీలకపాత్ర పోషిస్తున్నారని సీఎం కేసీఆర్కు లేఖ రాశారు. ఆక్సిజన్‌కు సంబంధించి ప్రత్యేక రైళ్లను నడపడం, దేశంలోని వివిధ ప్రాంతాల్లో చిక్కుకుపోయిన ప్రజల కోసం ప్రత్యేకంగా శ్రామిక రైళ్ల విషయంలో తమ ప్రాణాలను లెక్క చేయకుండా పనిచేస్తున్నారని లేఖలో వివరించారు.
ఇలాంటి పరిస్థితుల్లో ప్రత్యక్షంగా, పరోక్షంగా రైల్వే ఉద్యోగులు కూడా కొవిడ్ బారిన పడే పరిస్థితులు ఉన్నాయన్నారు. ఇప్పటికే ఒడిశా, రాజస్థాన్, మధ్యప్రదేశ్ రాష్ట్రాల్లో రైల్వే ఉద్యోగులను ఫ్రంట్ లైన్ సిబ్బందిగా గుర్తించి వ్యాక్సినేషన్ ప్రాధాన్యత కల్పిస్తూ ఆదేశాలు కూడా జారీ చేశాయని తెలిపారు. వారి సేవలను గుర్తించి రాష్ట్రంలో పనిచేస్తున్న రైల్వే ఉద్యోగులకు వ్యాక్సినేషన్తో పాటు వైద్య సదుపాయాలు కల్పించేలా తక్షణమే నిర్ణయం తీసుకోవాలని ముఖ్యమంత్రికి కిషన్ రెడ్డి విజ్ఞప్తి చేశారు.
