వ్యాక్సినేషన్ ప్రక్రియలో తెలంగాణ భేష్: కేంద్రం

కరోనా మహమ్మారి నివారణలో భాగంగా చేపట్టిన వ్యాక్సినేషన్​లో తెలంగాణ అన్ని రాష్ట్రాల కంటే సమర్థంగా ప్రక్రియను నిర్వహిస్తున్నట్లు కేంద్రం అభిప్రాయపడింది. ఈ మేరకు రాష్ట్ర వైద్యారోగ్య శాఖను అభినందించింది.

రాష్ట్రంలో కరోనా వ్యాక్సినేషన్ ప్రక్రియ సజావుగా సాగిస్తున్నారంటూ కేంద్ర ప్రభుత్వం... రాష్ట్ర వైద్యారోగ్య శాఖను అభినందించింది. ఈ మేరకు ప్రకటన విడుదల చేసిన వైద్యారోగ్య శాఖ కార్యదర్శి రిజ్వి... డీహెచ్ శ్రీనివాసరావు, డీఎంఈ రమేశ్​రెడ్డిలతో పాటు వైద్యారోగ్య శాఖ యంత్రాంగాన్ని, కలెక్టర్​లను అభినందించారు. దేశంలో అన్ని రాష్ట్రాలకంటే తెలంగాణలో వ్యాక్సినేషన్​ ప్రక్రియను సమర్థంగా నిర్వహిస్తున్నట్లు కేంద్రం అభిప్రాయపడినట్టు ఆయన వివరించారు.

ఇదీ చూడండి: మూడో రోజు సజావుగా సాగిన కొవిడ్‌ వ్యాక్సినేషన్‌