'మహా కుంభ్'​పై గూగుల్ గులాబీ రేకుల వర్షం!- మీరు కూడా ట్రై చేయొచ్చు- అదెలాగంటే?

గులాబీ రేకులతో 'మహా కుంభ్' అభిషేకం- ప్రత్యేక రీతిలో గూగుల్ ట్రిబ్యూట్- చూస్తే వావ్ అనాల్సిందే!

Maha Kumbh Mela Google Animation: హిందూ మతంలో అతిపెద్ద, అత్యంత పవిత్రమైన జాతర 'మహా కుంభమేళా' నేడు రెండో రోజుకు చేరుకుంది. సోమవారం ప్రారంభమైన ఈ ఉత్సవం ఫిబ్రవరి 26 వరకు కొనసాగనుంది. ప్రతి పన్నెండేళ్లకు ఒకసారి జరిగే ఈ ఆధ్యాత్మిక కార్యక్రమంలో పాల్గొనేందుకు కోట్లాది మంది భక్తులు గంగ, యమున, సరస్వతి నదుల త్రివేణి సంగమ క్షేత్రం ప్రయాగ్‌రాజ్​కు చేరుకుని పుణ్య స్నానాలను ఆచరిస్తున్నారు.

ఈ నేపథ్యంలో ప్రపంచ సెర్చ్ ఇంజిన్ దిగ్గజం గూగుల్ ప్రత్యేక రీతిలో తన ట్రిబ్యూట్​ తెలియజేస్తోంది. ఇందుకోసం అద్భుతమైన యానిమేషన్​ను క్రియేట్ చేసి 'మహా కుంభ్'​పై గులాబీ రేకుల వర్షాన్ని కురిపిస్తోంది!. ఇలా మీరు కూడా 'మహా కుంభ్'​పై గులాబీ రేకులతో అభిషేకం చేయొచ్చు! ఈ యానిమేషన్​ను ట్రై చేయండం ద్వారా అద్భుతమైన అనుభూతిని సొంతం చేసుకోవచ్చు. అదెలాగో తెలుసుకుందాం రండి.

• ఇందుకోసం మొదట మీరు మీ మొబైల్ లేదా డెస్క్‌టాప్‌లో గూగుల్​ సెర్చ్ ఇంజిన్​లోకి వెళ్లండి.
• ఆ తర్వాత అందులో హిందీ లేదా ఇంగ్లీషులో మహా కుంభ్ అనే పదాన్ని టైప్ చేసి క్లిక్ చేయండి.
• ఇప్పుడు స్క్రీన్​కు దిగువన గులాబీ రంగులో ఓ ఆప్షన్​ కన్పిస్తుంది. దానిపై క్లిక్ చేస్తే సెర్చ్ రిజల్ట్స్​తో పాటు పై నుంచి గులాబీ రేకులు కిందికి పడటం స్క్రీన్​ మీద కన్పిస్తుంది.
• ఈ యానిమేషన్‌తో పాటు స్క్రీన్ దిగువన ఇప్పుడు మూడు ఆప్షన్లు కన్పిస్తాయి.
• అందులో మొదటి ఆప్షన్​పై క్లిక్ చేస్తే ఈ యానిమేషన్‌ ఆఫ్ అయిపోతుంది.
• రెండో ఆప్షన్​పై క్లిక్​ చేస్తే రాలుతున్న గులాబీ రేకుల సంఖ్య పెరుగుతుంది. ఇందులో మరో విశేషం ఏంటంటే ఈ ఆప్షన్​పై ఎన్నిసార్లు క్లిక్ చేస్తే అంత ఎక్కువ గులాబీ రేకులు స్క్రీన్​పై పడుతూ ఉండటం కన్పిస్తుంది.
• ఇక మూడో ఆప్షన్​పై క్లిక్ చేయడం ద్వారా ఈ యానిమేషన్‌ను మీ ఫ్రెండ్స్ లేదా కుటుంబ సభ్యులకు షేర్ చేసుకోవచ్చు.

భక్తులకు సువర్ణావకాశం: మహా కుంభమేళాకు వచ్చే ప్రజలకు ఉత్తరప్రదేశ్ ప్రభుత్వం ఒక సువర్ణావకాశాన్ని కల్పించింది. అదేంటంటే కేవలం 1,296 రూపాయలకే హెలికాప్టర్ ప్రయాణం. ఈ మేరకు ఈ విషయాన్ని యూపీ పర్యాటక, సాంస్కృతిక శాఖ మంత్రి జైవీర్ సింగ్ ఒక ప్రకటనలో వెల్లడించారు.

టికెట్ ధర తగ్గింపు: యూపీ ప్రభుత్వం ప్రయాణికులను ఆకర్షించేందుకు గతంలో 3,000 రూపాయలుగా ఉన్న హెలికాప్టర్ ఛార్జీని ఇప్పుడు సగానికి పైగా తగ్గించింది. ఈ టికెట్​ ద్వారా ట్రావెలర్స్ హెలికాప్టర్​లో పై నుంచి కింద ప్రయాగ్‌రాజ్ నగర వైమానిక దృశ్యాన్ని 7 నుంచి 8 నిమిషాల పాటు వీక్షించగలరని మంత్రి ప్రకటనలో తెలిపారు.

ఆన్‌లైన్ బుకింగ్ సిస్టమ్: హెలికాప్టర్‌లో ప్రయాణం కోసం యూపీ ప్రభుత్వం ఆన్​లైన్​ బుకింగ్ సిస్టమ్​ను ఏర్పాటు చేసింది. హెలికాప్టర్‌లో ప్రయాణించాలనుకునే వారు www.upstdc.co.in వెబ్‌సైట్‌ను సందర్శించడం ద్వారా టిక్కెట్లను బుక్ చేసుకోవచ్చు. ఈ ప్రాజెక్టు బాధ్యత వహిస్తున్న కేంద్ర ప్రభుత్వ పవన్ హన్స్ దీనిపై సమాచారం అందించింది. ఈ ప్రయాణం నిరంతరం కొనసాగుతుందని, అయితే ప్రతిసారీ వాతావరణాన్ని గమనించిన తర్వాత ప్రయాణాన్ని నిర్ణయిస్తామని పేర్కొన్నారు. దీనితో పాటు ఈ గ్రాండ్ కాన్ఫరెన్స్ జరిగే ప్రాంతంలో వాటర్ అడ్వెంచర్ స్పోర్ట్స్ నిర్వహించడానికి కూడా సన్నాహాలు చేసినట్లు యూపీ పర్యాటక, సాంస్కృతిక శాఖ వెల్లడించింది.