మాజీమంత్రి వైఎస్ వివేకానందరెడ్డి హత్య కేసును ఛేదించేందుకు సీబీఐ రంగంలోకి దిగింది. ఇవాళ్టి నుంచి ఆంధ్రప్రదేశ్ కడప జిల్లా కేంద్రంగా విచారణ చేపట్టనుంది. 10 రోజులపాటు పులివెందులలో ప్రాథమిక దర్యాప్తు చేపట్టిన అధికారులు వివేకానందరెడ్డి ఇంటిని పరిశీలించారు. సిట్ దర్యాప్తు నివేదికను పులివెందుల పోలీసులు సీబీఐకి అప్పగించారు. 3 సంచుల్లో ఉన్న నివేదికలను స్వాధీనం చేసుకున్న సీబీఐ అధికారులు ఈరోజు నుంచి ప్రత్యేక విచారణ అధికారి సమక్షంలో విచారణ చేపట్టనున్నారు. ఈ మేరకు కడప ఆర్అండ్బీ అతిథి గృహానికి అధికారులు చేరుకున్నారు.
అక్కడే దస్త్రాలను పరిశీలించి.. అనుమానితులను పిలిపించి విచారించే అవకాశం ఉంది. ఇప్పటికే 15 మంది అనుమానితుల జాబితా సిద్ధం చేసినట్లు సమాచారం. ఆ జాబితాలో వైఎస్ అవినాష్ రెడ్డి, ఆయన తండ్రి భాస్కర్ రెడ్డి, బాబాయ్ మనోహర్ రెడ్డితో పాటు తెదేపా ఎమ్మెల్సీ బీటెక్ రవి, మాజీ మంత్రి ఆదినారాయణరెడ్డి పేర్లు ఉన్నట్లు తెలుస్తోంది. వీరికి త్వరలోనే నోటీసులు ఇచ్చి విచారణకు పిలిచే అవకాశం ఉందని అధికార వర్గాలు చెబుతున్నాయి.
ఇవీ చూడండి: రాష్ట్రంలో తగ్గని కరోనా ఉద్ధృతి.. గంటకు 62 పాజిటివ్ కేసులు
