హైదరాబాద్ తార్నాకలోని ఇఫ్లూలో కారు డ్రైవర్గా పనిచేస్తున్న శ్రీనివాస్ అనే వ్యక్తి మృతి చెందాడు. నాచారానికి చెందిన శ్రీనివాస్కు భార్య, ఇద్దరు పిల్లలు ఉన్నారు. ఇఫ్లూ క్యాంపస్లో కాంట్రాక్ట్ డ్రైవర్గా పనిచేస్తున్నాడు.
బుధవారం ఉదయం ఆరు గంటల సమయంలో డ్యూటీకి వచ్చి క్యాంపస్లోని డ్రైవర్స్ రెస్ట్ రూమ్లో ఉన్నాడు. కొద్దిసేపటి తర్వాత రూమ్ను క్లీన్ చేయడానికి వచ్చిన మహిళ స్వీపర్కు అచేతనంగా పడి ఉన్న శ్రీనివాస్ కనిపించాడు. పిలిచినా పలకకపోవడం వల్ల క్యాంపస్లోని హెల్త్ సెంటర్ డాక్టర్ వచ్చి పరీక్షించి పల్స్ పడిపోయాయని గాంధీ ఆస్పత్రికి తరలించారు.
అప్పటికే చనిపోయాడని గాంధీ డాక్టర్లు ధ్రువీకరించారు. అయితే రూమ్లో మృతుడు ఫోన్ ఛార్జింగ్ పెట్టి చెవిలో ఇయర్ ఫోన్స్ ఉండడం వల్ల కరెంట్ షాక్తో మృతి చెంది ఉంటాడా? ఆత్మహత్యనా? లేదా గుండెపోటుతో సహజ మరణం చెందాడా? అనే కోణాల్లో ఉస్మానియా యూనివర్సిటీ పోలీసులు దర్యాప్తు చేపట్టారు.
ఇదీ చదవండి: కరోనా ఎఫెక్ట్: నిర్మానుష్యంగా మారిన కరీంనగర్
