హైదరాబాద్​లో ఆటోడ్రైవర్​ దారుణహత్య

చిన్న చిన్న గొడవలకే క్షణికావేశంలో మనుషుల్ని హతమారుస్తున్నారు కొంతమంది. ఆటోడ్రైవర్​ దారుణహత్యకు గురైన ఘటన హైదరాబాద్​లో చోటుచేసుకుంది. హత్యకు కారణం పాతకక్షలు, కుటుంబ కలహాలే అని పోలీసులు భావిస్తున్నారు.

హైదరాబాద్​ నార్సింగి పోలీస్​స్టేషన్​ పరిధిలోని అలిజాపూర్​లో ఆటో డ్రైవర్​ దారుణహత్యకు గురయ్యాడు. మృతుని ఒంటిపై గాయలను చూస్తే బండరాయి, పదునైన ఆయుధంతో హతమార్చినట్లు తెలుస్తోంది. ఘటన స్థలికి చేరుకున్న పోలీసులు మృతుడు 25ఏళ్ల చాంద్​గా గుర్తించారు. పాత కక్షలు, కుటుంబ కలహాలే హత్యకు కారణమని భావిస్తున్నారు. చాంద్​ సమీప బంధువు 26ఏళ్ల అబ్దుల్​ రహమాన్​ హత్య చేసి ఉంటాడని అనుమానం వ్యక్తం చేసిన పోలీసులు నిందితుడి కోసం గాలిస్తున్నారు.