కేంద్రం తెచ్చిన వ్యవసాయ చట్టాలపై విమర్శలు చేసిన కేసీఆర్... మాట మార్చుకొని కొత్త చట్టాలకు కితాబు ఇస్తున్నారంటూ భాజపా జాతీయ ఉపాధ్యక్షురాలు డీకే అరుణ హర్షం వ్యక్తం చేశారు. ఇప్పటికైనా కేసీఆర్ కళ్లు తెరిచారన్నారు. అయితే పంట కొనుగోలు కేంద్రాలను ఎత్తేస్తామన్న ముఖ్యమంత్రి కేసీఆర్ వ్యాఖ్యలపై.. ఆమె విమర్శలు గుప్పించారు. అన్నదాతలు కేంద్రం తీసుకువచ్చిన కొత్త వ్యవసాయ చట్టాలకు మద్దతునిస్తున్నారన్న అక్కసుతోనే పంట కొనుగోలు కేంద్రాలను తొలగిస్తున్నారని ఎద్దేవా చేశారు. రాష్ట్ర రైతులకు భాజపా అండగా ఉంటుందని డీకే అరుణ అన్నారు.
ఇదీ చూడండి: సాగు చట్టాలపై సీఎం కేసీఆర్ తాజా వైఖరిని స్వాగతిస్తున్నాం: బండి సంజయ్‌
