Bigg Boss 5 winner VJ sunny: గ్రీన్ ఇండియా ఛాలెంజ్లో పాల్గొని మొక్కలు నాటడం సంతోషంగా ఉందని బిగ్బాస్ 5 విన్నర్ వీజే సన్నీ హర్షం వ్యక్తం చేశారు. ఇలాంటి కార్యక్రమం మొదలుపెట్టడం అద్బుతమని కొనియాడారు. గ్రీన్ ఇండియా ఛాలెంజ్లో భాగంగా హైదరాబాద్ జూబ్లీహిల్స్లో జర్నలిస్టు కాలనీలోని జీహెచ్ఎంసీ పార్కులో స్నేహితులతో కలిసి సన్నీ మొక్కలు నాటారు. ఈ అవకాశం కల్పించిన ఎంపీ సంతోష్కుమార్కు కృతజ్ఞతలు తెలియజేశారు.
'బిగ్బాస్ హౌస్ నుంచి బయటకు వచ్చాక.. మొదటిసారి ఇంత మంచి కార్యక్రమంలో పాల్గొనడం ఆనందంగా ఉంది. ఈ ఛాలెంజ్లో భాగస్వామ్యం అయ్యి మొక్కలు నాటే అవకాశం ఇచ్చినందుకు ఎంపీ సంతోష్ కుమార్కు కృతజ్ఞతలు.' -వీజే సన్నీ, బిగ్ బాస్ 5 విన్నర్
మొక్కలు నాటిన అనంతరం సన్నీ.. మరో ముగ్గురికి గ్రీన్ ఇండియా ఛాలెంజ్ విసిరారు. సిరి, షణ్ముఖ్, శ్రీరామ్లు గ్రీన్ ఛాలెంజ్లో పాల్గొని మొక్కలు నాటాల్సిందిగా తెలిపారు.
ఇదీ చదవండి: Minister Harish on HC: కరోనా ఆంక్షలు విధించాలన్న హైకోర్టు ఆదేశంపై స్పందించిన హరీశ్రావు
