కరోనా వైరస్‌కు సంబంధించి ముక్కులో వేసుకునే చుక్కల మందు (నాజల్ డ్రాప్ వ్యాక్సిన్)పై ప్రయోగాలు చేస్తునట్టు భారత్ బయోటెక్ సీఎండీ డాక్టర్‌ కృష్ణ ఎల్లా తెలిపారు. హైదరాబాద్లోని ఇండియన్ స్కూల్ ఆఫ్ బిజినెస్ ఆన్లైన్లో నిర్వహించిన డక్కన్ డైలాగ్ చర్చా కార్యక్రమంలో ఆయన పాల్గొన్నారు. ప్రస్తుతం మూడో విడత క్లినికల్ ట్రయల్స్లో ఉన్న కొవాగ్జిన్ రెండు డోసుల ఇండక్టేబుల్ టీకా అని... దీనిని దేశంలో అందరికీ అందించాలంటే 260 కోట్ల ఇంజెక్షన్స్ అవసరం అవుతాయని పేర్కొన్నారు. ఇది చాలా కష్టమని, దీనిని దృష్టిలో ఉంచుకొని నాజల్ డ్రాప్ వ్యాక్సిన్పై కృషి చేస్తున్నామని వివరించారు. ఈ తరహాలో బిలియన్ డోసుల ఉత్పత్తి... పంపిణీ చేయటం సులభతరమని ఆయన అన్నారు.
ఇప్పటికే రోటా వైరస్లో ఇలాంటి వ్యాక్సిన్పై అనుభవం ఉందని పేర్కొన్నారు. ప్రపంచంలోనే ఏకైక బీఎస్ఎల్ 3 ఉత్పత్తి కేంద్రం తమ కంపెనీకి ఉందని ఆయన వెల్లడించారు. చైనా ఇప్పుడు ఇలాంటి కేంద్రాన్ని నిర్మిస్తోందని తెలిపారు.
ఇదీ చదవండి: 'ఆగస్టు కల్లా 25 కోట్ల మందికి కొవిడ్ టీకా'
