మంచుతెర మాటున ట్యాంక్​బండ్​ అందాల కనువిందు

మంచు తెరలతో హైదరాబాద్​.. సరికొత్త అందాలను భాగ్యనగర వాసులకు పరిచయం చేసింది. రమణీయ దృశ్యాలతో కనువిందు చేసింది. గురువారం సాయంత్రం నగరంలోని నెక్లెస్​ రోడ్, ట్యాంక్​బండ్​ పరిసర ప్రాంతాలు మంచుతో కప్పి చూపరులను ఆకర్షించాయి.

మంచు తెరలతో సరికొత్త అందాలు భాగ్యనగర వాసులను కనువిందు చేశాయి. గురువారం సాయంత్రం హైదరాబాద్​ నగరంలోని నెక్లెస్‌రోడ్‌, ట్యాంక్‌బండ్‌ పరిసరాలు.. జనంతో సందడిగా మారాయి. ట్యాంక్‌బండ్‌ చుట్టూ మంచు తెరల రమణీయ దృశ్యాలు సందర్శకులను కట్టిపడేశాయి.

హుస్సేన్‌సాగర్‌లో బుద్ధుడి విగ్రహం, నెక్లెస్‌ రోడ్‌లోని త్రివర్ణపతాకం మంచుతెర మాటున వీక్షకులను మంత్రముగ్ధులను చేశాయి. చల్లని గాలితో సాగర్‌లో బోట్​పై చక్కర్లు కొడుతూ కుటుంబ సభ్యులతో ఆనందంగా గడిపారు.

ఇదీ చదవండి: భాగ్యనగరంలో ఆహ్లాదకరమైన, అత్యాధునిక బస్​షెల్టర్లు.!