డీజీపీ మహేందర్​రెడ్డికి శుభాకాంక్షలు తెలిపిన దత్తాత్రేయ

జాతీయ స్థాయిలో అత్యుత్తమ 25 మంది ఐపీఎస్​ అధికారుల్లో తెలంగాణ డీజీపీ మహేందర్​రెడ్డికి స్థానం దక్కినందుకు హిమాచల్​ప్రదేశ్​ గవర్నర్​ దత్తాత్రేయ అభినందనలు తెలిపారు. కరోనాను నియంత్రించేందుకు పోలీసులు చేస్తోన్న సేవలు ఎనలేనవని ఆయన ప్రశంసించారు.

జాతీయ స్థాయిలో అగ్రభాగాన నిలిచిన 25 మంది ఐపీఎస్‌ అధికారుల్లో తెలంగాణ డీజీపీ మహేందర్‌ రెడ్డికి స్థానం దక్కడం పట్ల హిమాచల్‌ ప్రదేశ్‌ గవర్నర్‌ బండారు దత్తాత్రేయ హర్షం వ్యక్తం చేశారు. ఫేమ్‌ ఇండియా, ఏషియా పోస్ట్‌, పీఎస్యూ సంస్థలు సంయుక్తంగా నిర్వహించిన జాతీయ సర్వేలో చోటు దక్కించుకున్నందుకు డీజీపికి ఫోన్‌ చేసి దత్తాత్రేయ అభినందనలు తెలిపారు. కరోనా మహమ్మారిని నియంత్రించడానికి తెలంగాణ పోలీసులు చేస్తోన్న సేవలను ఆయన ప్రశంసించారు.

ఇదీ చూడండి: రాష్ట్రంలో 404కి చేరిన కరోనా పాజిటివ్ కేసుల సంఖ్య