రాష్ట్రం వ్యాప్తంగా డయల్‌ 100పై అవగాహన

ఎవరికి ఏ ఆపద వచ్చినా 100కు డయల్‌ చేయాలని రాష్ట్రంవ్యాప్తంగా అవగాహన కల్పిస్తున్నట్లు డీజీపీ మహేందర్ రెడ్డి తెలిపారు. ఈ విషయాన్ని ట్విట్టర్​ ద్వారా వెల్లడించారు.

ఆపద సమయాల్లో పాఠశాల, కళాశాలల విద్యార్థినిలు డయల్ 100 నెంబరుకు ఫోన్ చేసే విధంగా అవగాహన కల్పిస్తున్నట్లు డీజీపీ మహేందర్ రెడ్డి తెలిపారు. రాష్ట్ర వ్యాప్తంగా ప్రతి ఒక్కరికి డయల్ 100, 112 నెంబర్​​ గురించి తెలిసే వరకు అవగాహన కార్యక్రమాలు కొనసాగిస్తామని డీజీపీ ట్విట్టర్​లో పేర్కొన్నారు. ఒక్క రోజులోనే పోలీసు కానిస్టేబుళ్లు రెండు వేలకుపైగా పాఠశాలలు, కళాశాలల్లో అవగాహన కల్పించినట్లు డీజీపీ వెల్లడించారు.

ఇదీ చూడండి : వ్యవసాయ, ఔషధరంగ అభివృద్ధిపై జాతీయ సదస్సు ప్రారంభం