'పశు సంక్షేమ భవన్​ ముట్టడికి యత్నం... నిరసనకారుల అరెస్ట్​'

హైదరాబాద్​ మాసబ్​ట్యాంక్​లోని పశు సంక్షేమ భవన్​ ముట్టడికి యత్నించిన నిరసనకారులను పోలీసులు అరెస్ట్​ చేశారు. రెండో విడత గొర్రెల పంపిణీ చేయాలని డిమాండ్​ చేస్తూ... గొర్రెలు, మేకలు పెంపకందారుల సంఘం​(జీఎంపీఎస్​) ఆధ్వర్యంలో ముట్టడికి విజ్ఞప్తి చేశారు.

రాష్ట్రంలో రెండో విడత గొర్రెల పంపిణీ చేయాలని డిమాండ్​ చేస్తూ హైదరాబాద్​ మాసబ్​ట్యాంక్​ పశు సంక్షేమ భవన్​ ముట్టడికి యత్నించిన గొర్రెల కాపరులను పోలీసులు అరెస్ట్​ చేశారు. ఈరోజు మధ్యాహ్నం పశు సంవర్ధక శాఖ డైరెక్టర్ ఆఫీస్ ముందు జీఎం​పీఎస్ ఆధ్వర్యంలో సామూహిక నిరసన దీక్ష చేపట్టేందుకు యత్నించారు.

నిరసన దీక్షకు అనుమతి లేదంటూ పోలీసులు వారిని అడ్డుకున్నారు. నిరసనకారులను అరెస్ట్ చేసి గోషామహల్ గ్రౌండ్​కి తరలించారు. రెండో విడత గొర్రెలను వెంటనే ఇవ్వాలని లేనిపక్షంలో... ప్రభుత్వం మెడలు వంచి తీసుకుంటామని గొర్రెల కాపరులు హెచ్చరించారు.

ఇదీ చూడండి: హైదరాబాద్‌, దిల్లీలో కరోనా కేసులు నమోదు