ఆదివారం మరో అవకాశం..

ఓటరు జాబితా సవరణ, నమోదుకు మరోసారి అవకాశం ఇస్తున్నట్లు హైదరాబాద్​ ఎన్నికల అధికారి దానకిషోర్​ వెల్లడించారు. ఆదివారం ఉదయం 10 గంటల నుంచి సాయంత్రం 5 వరకు అధికారులు అందుబాటులో ఉంటారని తెలిపారు.

హైదరాబాద్​ జిల్లాలో ఓటర్ల జాబితా సవరణ, నమోదుకు అన్ని పోలింగ్​ కేంద్రాల్లో ఆదివారం మరోసారి ప్రత్యేక కార్యక్రమాన్ని నిర్వహిస్తున్నట్లు జిల్లా ఎన్నికల అధికారి, జీహెచ్​ఎంసీ కమిషనర్​ దానకిషోర్​ వెల్లడించారు. ఉదయం 10 నుంచి సాయంత్రం 5 గంటల వరకు అధికారులు అందుబాటులో ఉంటారని తెలిపారు. ఓటర్ల జాబితా సవరణపై శుక్రవారం అధికారులతో సమీక్షించారు. ఈ సమావేశానికి సంయుక్త ఎన్నికల అధికారి అమ్రపాలి, అడిషనల్​ కమిషనర్​లు ముషారఫ్​ అలీ, జయరాజ్​ కెనడీలు హాజరయ్యారు. అన్ని స్థాయిల ఎన్నికల అధికారులు స్వయంగా ఓటరు జాబితాలు తనిఖీ చేయాలని ఆదేశాలు జారీచేశారు. 1950 టోల్​ప్రీ నంబర్​కు ఫోన్​చేసిన వారితో స్వయంగా మాట్లాడారు.