ANMS meet attend minister Harishrao: డబుల్ ఇంజిన్ ఓ పెద్ద ట్రబుల్ ఇంజిన్ అంటూ వైద్య ఆరోగ్య శాఖ మంత్రి హరీశ్ రావు ఎద్దేవా చేశారు. హైదరాబాద్ బాగ్ లింగంపల్లిలోని కళాభవన్లో ఏర్పాటు చేసిన ఏఎన్ఎంల 2వ మహాసభలకు మంత్రి హరీశ్రావు ముఖ్య అతిథిగా హాజరయ్యారు. ఈ సందర్భంగా ఏఎన్ఎంల సేవల గురించి మంత్రి మాట్లాడారు. కరోనా సమయంలో ఏఎన్ఎంలు చేసిన విశేష సేవలకు మంత్రి అభినందించారు. అంతా కలిసి ఆరోగ్య తెలంగాణ నిర్మించాలని.. రెండు మూడు రోజుల్లో రాష్ట్రవ్యాప్తంగా గర్భిణీల కోసం 58 టిఫా కేంద్రాలు ప్రారంభించనున్నట్లు ఆయన ప్రకటించారు.
ఏఎన్ఎం కేంద్రాలను పల్లె దవాఖానాలుగా మారుస్తున్నట్టు హరీశ్రావు వెల్లడించారు. 2014లో ప్రభుత్వ ఆసుపత్రుల్లో 30 శాతం డెలివరీలు అయితే ప్రస్తుతం అవి 67 శాతానికి పెరిగాయని మంత్రి హర్షం వ్యక్తం చేశారు. బీజేపీ పాలిత రాష్ట్రాలు వైద్యారోగ్య విభాగంలో వెనకబడి ఇన్నాయని.. బీజేపీయేతర రాష్ట్రాలే ముందున్నాయన్నారు. ఇందులో ప్రతి ఒక్కరి కష్టం ఉందన్న మంత్రి.. మెరుగైన వైద్యం అందించేందుకు ఏఎన్ఎంలు కృషి చేస్తున్నారన్నారు. వారి సమస్యల పరిష్కారానికి సైతం కృషి చేస్తామని హామీ ఇచ్చారు.
బీజేపీ పాలిత రాష్ట్రాలు వైద్యారోగ్య విభాగంలో వెనకబడి ఉన్నాయి. బీజేపీయేతర రాష్ట్రాలే ముందు వరుసలో ఉన్నాయి. మెరుగైన వైద్యం అందించేందుకు ఏఎన్ఎంలు కృషి చేస్తున్నారు. ఏఎన్ఎం కేంద్రాలను పల్లె దవాఖానాలుగా మారుస్తాం. ప్రభుత్వ ఆసుపత్రుల్లో డెలివరీలు 67 శాతానికి పెరిగాయి. - హరీశ్రావు, రాష్ట్ర వైద్య ఆరోగ్య శాఖ మంత్రి
ఇవీ చదవండి:
