'విద్యాశాఖ మంత్రిని భర్తరఫ్ చేయాల్సిందే'

ఇంటర్​ బోర్డు ఫలితాల అనంతరం విద్యార్థులు, తల్లిదండ్రులు ప్రభుత్వంపై విశ్వాసం కోల్పోయారని టీపీసీసీ అధ్యక్షుడు ఉత్తమ్​కుమార్​రెడ్డి అన్నారు. సుమారు 20 మంది విద్యార్థులు ప్రాణాలు కోల్పోవడానికి ప్రభుత్వం బాధ్యత వహించి విద్యాశాఖ మంత్రి జగదీశ్​రెడ్డి మంత్రివర్గం నుంచి తొలగించాలని డిమాండ్ చేశారు.

ఇంటర్ ​బోర్డు చర్యల వల్ల విద్యార్థులు అభద్రతా భావంలో ఉన్నారని అఖిల పక్ష నేతలు ఆవేదన చెందారు. రాష్ట్రంలోని తాజా గందరగోళ పరిస్థితులను రాజ్​భవన్​లో గవర్నర్​కు వివరించారు. ఆత్మహత్యలకు పాల్పడిన విద్యార్థుల కుటుంబాలను ప్రభుత్వం ఆదుకోవాలని కోరారు. బాధ్యులైన అధికారులను సస్పెండ్​ చేయాలని డిమాండ్ చేశారు. ఘటనపై హైకోర్టు సిట్టింగ్​ జడ్జితో విచారణ జరపాలని గవర్నర్​ను కోరామని అఖిల పక్ష నేతలు తెలిపారు. ఈనెల 29న ఇంటర్​ బోర్డు వద్ద ధర్నా చేపట్టి ప్రభుత్వం న్యాయం చేసే వరకు పోరాడతామని వెల్లడించారు.

ఇదీ చూడండి: విజయవంతంగా రెండో మోటార్​ ట్రయల్ ​రన్​