టీవీ చూడొద్దన్నందుకు 12ఏళ్ల బాలుడు ఆత్మహత్య

పిల్లలను తల్లిదండ్రులు మందలించడం సహజమే. తల్లిదండ్రులు టీవీ చూడొద్దన్నందుకు వట్టిచెరుకూరులోని ఓ బాలుడు ఉరి వేసుకుని ఆత్మహత్య చేసుకున్నాడు.

ఆంధ్రప్రదేశ్ గుంటూరు జిల్లా వట్టిచెరుకూరులో తల్లిదండ్రులు మందలించారని ఓ బాలుడు ఆత్మహత్య చేసుకున్నాడు. గ్రామానికి చెందిన 12 ఏళ్ల బాలుడు రోజంతా టీవీ చూస్తున్నాడని, ఫోన్​లో వీడియో గేమ్​లు ఆడుతున్నాడని చెప్పారు. నిద్రాహారాలు మాని ఆ బాలుడు పొద్దంతా అదే పనిలో ఉండటంతో తల్లిదండ్రులు మందలించి పొలం పనులకు వెళ్లారు. రాత్రి ఇంటికి వచ్చే సరికి బాలుడు ఇంట్లో ఫ్యాన్​కు ఉరి వేసుకుని విగతజీవిగా కనిపించాడు. పోలీసులు కేసు నమోదు చేసి దర్యాప్తు చేపట్టారు.