హైదరాబాద్​లో వ్యభిచార ముఠా గుట్టు రట్టు

హైదరాబాద్​కు చెందిన ఇద్దరు యువకులు ఉద్యోగాలు ఇప్పిస్తామని చెప్పి విదేశీ యువతుల్ని వ్యభిచార కూపంలోకి దించుతున్నారు. విషయం తెలుసుకున్న ఎస్‌.ఆర్‌.నగర్ పోలీసులు ఆయా లాడ్జీలపై దాడి చేసి ముఠా గుట్టు రట్టు చేశారు.

హైదరాబాద్‌ ఎస్‌.ఆర్‌.నగర్ పోలీస్ ఠాణా పరిధిలో వ్యభిచారం నిర్వహిస్తున్న హైటెక్ ముఠా గుట్టు రట్టైంది. అమీర్‌పేటలోని ఆదిత్య హోటల్​లో నడుస్తోన్న ఈ చీకటి వ్యాపారాన్ని పోలీసులు భగ్నం చేశారు. ఏడుగురు విదేశీ యువతులతో పాటు నలుగురు విటులు, ఐదుగురు నిర్వాహకులను పోలీసులు అరెస్టు చేశారు.

హైదరాబాద్​లో ఉద్యోగాలు ఇప్పిస్తామని చెప్పి నగరానికి చెందిన రాహుల్, సూర్య అనే ఇద్దరు వ్యక్తులు విదేశీ యువతులను పడుపు వృత్తిలోకి దించుతున్నారని పోలీసులు వెల్లడించారు. పంజాగుట్టలోని పోలో అనే మరో లాడ్జ్​లో ఉజ్బెకిస్థాన్​కు చెందిన నలుగురు యువతులతో పాటు పశ్చిమబంగా​కు చెందిన మరో యువతిని అదుపులోకి తీసుకున్నారు. ప్రధాన నిందితులు రాహుల్, సూర్య పరారీలో ఉన్నట్లు పోలీసులు వెల్లడించారు. కేసు నమోదు చేసుకుని దర్యాప్తు చేస్తున్నారు.

ఇవీ చూడండి:వచ్చే నెల నుంచి రూ.2 వేల పింఛన్​: కేటీఆర్​