మోదీ నిరంకుశత్వమా.. రాహుల్​ ప్రజాస్వామ్యమా?

అసెంబ్లీ ఎన్నికల్లో తెరాస గెలుపునకు ప్రధాని సాయం చేశారని, అందుకే కేసీఆర్​కు మోదీ అంటే ప్రేమ అని కాంగ్రెస్​ నేత విజయశాంతి అన్నారు. కేటీఆర్​ను ముఖ్యమంత్రిని చేసి దిల్లీలో మోదీతో కలిసి కేసీఆర్ చక్రం తిప్పాలని చూస్తున్నారని విరుచుకుపడ్డారు.

మోదీది నిరంకుశత్వమని.. రాహుల్​ది ప్రజాస్వామ్యమని కాంగ్రెస్​ నేత విజయశాంతి అన్నారు. శంషాబాద్​ కాంగ్రెస్​ కనీస వాగ్దాన సభలో ప్రసంగించారు. మోదీని తీవ్రవాదిగా అభివర్ణిస్తూ... ఎప్పుడు ఏ బాంబు వేస్తారో అని ప్రజలు భయపడుతున్నారన్నారు. ప్రజల్ని భయబ్రాంతులకు గురి చేయడం ప్రధానికి ఉండాల్సిన లక్షణం కాదని హితవు పలికారు. పార్లమెంట్​ ఎన్నికల్లో తెరాసకు ఓటేస్తే, భాజపాకు వేసినట్లేనని తెలిపారు.

ఇవీ చూడండి:'చేవెళ్ల గెలుపు.. మినీ ఇండియా గెలుపు'