'ఆపరేషన్ ఫుట్​పాత్'

జీహెచ్​ఎంసీ ఆపరేషన్ ఫుట్​పాత్ మళ్లీ మొదలైంది. 'నడవటానికి హక్కు' నినాదంతో ప్రతి శనివారం గ్రేటర్ అధికారులు ఈ కూల్చివేతలు చేస్తున్నారు. ఇప్పటివరకు నగరంలో 15 వేల ఆక్రమణలను తొలగించారు.

జీహెచ్​ఎంసీ ఆధ్వర్యంలో హైదరాబాద్​ కూకట్​పల్లిలో కాలిబాటల ఆక్రమణల తొలగింపు ప్రక్రియ కొనసాగుతోంది. విపత్తు నిర్వహణ విభాగం అధికారులు ఆక్రమణలకు గురైన వాటిని గుర్తించి కూల్చివేస్తున్నారు. కూకట్ పల్లి రోడ్ నెంబర్ ఒకటి నుంచి టెంపుల్ బస్టాప్ వరకు, పర్పుల్​ జ్యువెల్లరీ నుంచి ఎమ్మార్వో ఆఫీస్ వరకు కూల్చివేతలు చేపట్టారు.

'నడవటానికి హక్కు' అనే నినాదంతో ప్రతి శనివారం జీహెచ్ఎంసీ అధికారులు ఈ కూల్చివేతలు చేపట్టారు. మొత్తం జీహెచ్ఎంసీ పరిధిలో 2లక్షల 50 వేల ఫుట్​పాత్​ల ఆక్రమణలను గుర్తించగా 15 వేల వరకు మోక్షం కలిగింది. మొదటగా ప్రధాన రహదారులపై శాశ్వతంగా కట్టిన ఆక్రమణలను తొలగిస్తున్నారు. మళ్లీ నిర్మిస్తే ఉపేక్షించేది లేదని కేసులు నమోదు చేస్తామని విపత్తు నిర్వహణ విభాగం హెచ్చరిస్తోంది.