తాగిన మత్తులో ఫేక్​కాల్.. విమానం ఎమర్జెన్సీ ల్యాండింగ్..

హైదరాబాద్​లో పనిచేసే తమిళనాడుకు చెందిన ఓ వ్యక్తి విమానంలో బాంబ్​ ఉందంటూ బెదిరింపు కాల్​ చేసి అధికారులను ముప్పుతిప్పలు పెట్టాడు... తీరా చూస్తే అది ఫేక్​ కాల్​ అని తేలింది. అప్రమత్తమైన అధికారులు అతన్ని చెన్నై విమానాశ్రయంలో అదుపులోకి తీసుకుని హైదరాబాద్ తరలించారు.

ఓ వ్యక్తి తాగిన మత్తులో ఇండిగో ఎయిర్‌లైన్స్‌కు ఫోన్ చేసి హైదరాబాద్-కలకత్తా విమానంలో బాంబు ఉందని అధికారులకు సమాచారమిచ్చాడు. అధికారులను, పోలీసులను ఉరుకులు, పరుగులు పెట్టించాడు. అప్రమత్తమైన అధికారులు విమానాన్ని చెన్నై విమానాశ్రయంలో దింపారు. చివరికి తాగిన మత్తులోనే అధికారులకు సమాచారం ఇచ్చినట్టు తెలిసింది. వెంటనే పోలీసులు ఆ వ్యక్తిని చెన్నై విమానాశ్రయంలో అదుపులోకి తీసుకొని హైదరాబాద్​కు తరలించారు. బెదిరింపు కాల్​ చేసిన వ్యక్తిని తమిళనాడుకు చెందిన కేవి విశ్వరత్నంగా గుర్తించారు. సికింద్రాబాద్​లోని ఓ సంస్థలో సేల్స్ ఎగ్జిక్యూటివ్​గా పనిచేస్తున్నాడు. శంషాబాద్ విమానాశ్రయానికి చేరుకున్న విశ్వరత్నంను విమానాశ్రయ పోలీసులు కేసు నమోదు చేసుకుని రిమాండ్​కు తరలించారు.

ఇవీ చూడండి: 'పురపాలక ఎన్నికలకు రంగం సిద్ధం'