'మత విశ్వాసాలకు భంగం కలుగొద్దంటే... ఏనుగు ఇవ్వాలి'

హైదరాబాద్​లో బోనాలు, మొహర్రం ఊరేగింపులకు ఉపయోగిస్తున్న ఏనుగును... ప్రభుత్వం ఏర్పాటు చేయాలని నిర్వహకులు కోరారు. లేకుంటే ఆచారాలు, మత విశ్వాసాలకు భంగం వాటిల్లే ప్రమాదం ఉందని ఆవేదన వ్యక్తం చేశారు.

దశాబ్దాలుగా బోనాలు, మొహర్రం ఊరేగింపులకు నెహ్రూ జూలాజికల్‌ పార్క్‌లోని రజని అనే ఏనుగును ఉపయోగిస్తున్నామని అక్కన్న, మాదన్న మహంకాళి మందిరం కమిటీ అధ్యక్షుడు జి. నిరంజన్‌ తెలిపారు. జూ పార్కు నుంచి ఏనుగును ఉపయోగించరాదన్న హైకోర్టు ఉత్తర్వులపై అభ్యంతరం వ్యక్తం చేశారు. జూలైలో బోనాలు, సెప్టెంబరులో మొహర్రంకు ఏనుగును ఏర్పాటు చేసేలా చర్యలు తీసుకోవాలని ముఖ్యమంత్రి కేసీఆర్​ను కోరారు.

ఇవీ చూడండి: రంజాన్ ప్రత్యేకం... ఆల్ హాది ఎక్స్​పో