Principal Sexually Assaulted 10th Class Student: ప్రైవేటు పాఠశాల ప్రిన్సిపాల్ పదవ తరగతి విద్యార్థినిని లైంగికంగా వేధిస్తున్నాడంటూ.. విద్యార్థిని తల్లిదండ్రులు పాఠశాల ముందు బైఠాయించి ఆందోళన వ్యక్తం చేశారు. ఈ ఘటన యాదాద్రి జిల్లా భువనగిరి పట్టణంలో జరిగింది. నగరంలోని కృష్ణవేణి టాలెంట్ స్కూల్ల్లో పదో తరగతి చదువుతున్న విద్యార్థినిని ప్రత్యేక తరగతుల పేరుతో ప్రిన్సిపల్ రఘు వెంకట సురేశ్ లైంగికంగా వేధిస్తున్నాడనే విషయం ఆలస్యంగా వెలుగులోకి వచ్చింది. ఈ విషయం విద్యార్థినుల తల్లిదండ్రులకు తెలియడంతో వారు ప్రిన్సిపల్పై ఆగ్రహం వ్యక్తం చేశారు.
పాఠశాల ప్రిన్సిపల్, సిబ్బందితో వాగ్వాదానికి దిగారు. గతంలో కూడా ప్రిన్సిపల్ రఘు వెంకట సురేశ్పై ఇలాంటి ఆరోపణలే వచ్చాయని గుర్తు చేశారు. ఈ విషయం పోలీసులకు తెలియడంతో.. వారు అక్కడకు చేరుకున్నారు. ప్రిన్సిపల్పై కఠిన చర్యలు తీసుకోవాలని విద్యార్థినుల తల్లిదండ్రులు డిమాండ్ చేశారు. పాఠశాల ముందు విద్యార్థినులు కూర్చొని నిరసన తెలిపారు. పాఠశాల ప్రిన్సిపాల్ చాంబర్లో తమతో అసభ్యంగా ప్రవర్తిస్తున్నారని విద్యార్థినులు ఆరోపించారు. ఇదే విషయాన్ని తాము తల్లిదండ్రుల దృష్టికి తీసుకువెళ్లామని తెలిపారు.
వెంటనే ప్రిన్సిపల్ను విధుల నుంచి తొలగించి.. చర్యలు తీసుకోవాలని డిమాండ్ చేశారు. జిల్లా విద్యా శాఖ అధికారి నారాయణ రెడ్డి పాఠశాలను సందర్శించి.. ఈ విషయంపై ప్రిన్సిపల్ని ప్రశ్నించారు. అందుకు సంబంధించిన విషయాలపై వివరాలు సేకరించారు. మహిళా శిశు సంక్షేమ శాఖ అధికారిని, చిల్డ్ ప్రొటెక్షన్ అధికారి పాఠశాలను సందర్శించి విద్యార్ధినుల నుంచి వివరాలు నమోదు చేసుకున్నారు. తల్లిదండ్రులను పోలీసులు సముదాయించి.. అక్కడి నుంచి పంపించివేశారు. వెంటనే ప్రిన్సిపల్ను పోలీసులు పోలీస్ స్టేషన్కు తరలించారు.
హోంవర్క్ చేయలేదని కొట్టిన టీచర్: మరోవైపు విద్యార్థిని హోంవర్క్ చేయలేదని ఉపాధ్యాయురాలు కొట్టిన సంఘటన రంగారెడ్డి జిల్లా పటాన్చెరులోని నాయి కోటి బస్తీలో చోటుచేసుకుంది. పట్టణంలోని సెయింట్ జోసెఫ్ స్కూల్లో మూడో తరగతి చదువుకుంటున్న చిన్నారిని హోంవర్క్ చేయలేదని టీచర్ కొట్టడంతో గాయాలయ్యాయి. దీంతో ఈ విషయంపై స్కూల్ యాజమాన్యాన్ని ప్రశ్నించడానికి చిన్నారి తల్లి వెళ్లింది. పిల్లలు హోంవర్క్ చేయకపోతే తల్లిదండ్రులకు చెప్పాలి కానీ.. ఇలా కొట్టడం దారుణమని తల్లి పాపోయింది. అయితే ఆమెతో పాటు వచ్చి వ్యక్తి మద్యం సేవించి స్కూల్లో భయానక వాతావరణాన్ని సృష్టించాడని.. పాఠశాల యాజమాన్యం పోలీసులకు ఫిర్యాదు చేశారు. పోలీస్ సిబ్బంది వచ్చేలోగే అతను అక్కడి నుంచి వెళ్లిపోయాడు. అతను గురించి చిన్నారి తల్లిని అడగ్గా.. అతను ఎవరో తనకు తెలియదని చెప్పినట్లు సమాచారం.
ఇవీ చదవండి:
