మద్యం షాపుల ముందు.. మందుబాబుల క్యూ

కరోనా కట్టడికి విధించిన లాక్​డౌన్​లో భాగంగా ప్రభుత్వం మద్యం అమ్మకాలపై తాత్కాలికంగా నిషేధం విధించింది. తాజాగా ముఖ్యమంత్రి కేసీఆర్​ ప్రకటనతో తిరిగి ప్రారంభించడం వల్ల మద్యం దుకాణాల ముందు మందుకోసం జనాలు బారులు తీరారు.

లాక్​డౌన్​ వల్ల నిషేధించిన మద్యం అమ్మకాలు ప్రభుత్వ అనుమతితో తిరిగి ప్రారంభమయ్యాయి. మద్యం అమ్మకాలు సడలించడం వల్ల భద్రాద్రి కొత్తగూడెం జిల్లాలోని మణుగూరు వైన్​ షాపుల ముందు మందుబాబులు బారులు తీరారు. పరిస్థితిని ముందే అంచనా వేసిన పట్టణ పోలీసులు, ఎక్సైజ్​ అధికారులు మద్యం దుకాణాల ముందు రసాయనాలు పిచికారీ చేయించారు. మాస్కు ఉంటేనే మద్యం అమ్మాలని నిబంధన విధించారు. అశ్వాపురంలో క్యూలైన్​ పాటించలేని వాళ్లు పాదరక్షలను క్యూలో ఉంచి తమ వంతు వచ్చే వరకు వేచి ఉన్నారు. మద్యం కొనుగోలు చేసేందుకు మహిళలు సైతం క్యూలో నిలబడ్డారు.

ఇదీచూడండి: తెరుచుకున్న మద్యం దుకాణాలు.. ఆనందంలో మందుబాబులు