తమ గుడిసెలను అన్యాయంగా తొలగిస్తున్నారని మనస్తాపానికి గురైన ఓ వ్యక్తి కిరోసిన్ పోసుకుని ఆత్మహత్యకు యత్నించాడు. భద్రాద్రి కొత్త గూడెం జిల్లా బూర్గంపాడు మండల కేంద్రంలో ఈ ఘటన చోటు చేసుకుంది. మండల పరిధిలోని రెండున్నర ఎకరాల ఫారెస్ట్ భూమి అంటూ అటవీశాఖ అధికారులు స్తంభాలు ఏర్పాటు చేస్తున్నారు. అధికారుల తీరును వ్యతిరేకిస్తూ స్థానికులు ఆందోళన చేశారు.
కొత్తవాటిని మాత్రమే తొలగిస్తున్నాం:
ఆ భూమిలో గతంలో వేసుకున్న గుడిసెలు జోలికి పోకుండా కొత్తగా నిర్మించిన ఇళ్లను ఖాళీ చేయించే క్రమంలో ఈ వివాదం చెలరేగింది. ప్రభుత్వ స్థలంలో కొత్తగా పోల్స్ వేస్తుండగా వాటిని తొలగించే ప్రయత్నం జరిగినట్లు అటవీశాఖ అధికారులు చెబుతున్నారు. ఆక్రమణలు తొలగించే క్రమంలో ఆవేదనకు గురై ఓ వ్యక్తి కిరోసిన్ పోసుకొని ఆత్మహత్యాయత్నం చేశాడు. సమాచారం అందుకున్న పోలీసులు ఘటనాస్థలికి చేరుకుని బాధితున్ని పోలీస్స్టేషన్కు తరలించారు.
