Vivo X200 Series Global Launch: ప్రముఖ స్మార్ట్ఫోన్ కంపెనీ వివో చైనాలో తన హ్యాండ్‌సెట్‌ను ప్రారంభించిన నెల రోజుల తర్వాత Vivo X200 సిరీస్ గ్లోబల్ లాంచ్పై హింట్ ఇచ్చింది. ఇవి మలేషియా మార్కెట్లో విడుదలయ్యే అవకాశం ఉందని తెలుస్తోంది. ఈ వీవో X200 సిరీస్‌లో మూడు మోడల్ మొబైల్స్ ఉన్నాయి. వీటిలో జీస్ ఆప్టిక్స్ కో-ఇంజనీర్డ్ కెమెరా సిస్టమ్‌లు ఉన్నాయి. Vivo X200 లైనప్ ఈ నెలాఖరులో లేదా డిసెంబర్ మొదటి వారంలో ఇండియాలో లాంచ్ అయ్యే అవకాశం ఉంది. ఈ సందర్భంగా వీటి ధర, ఫీచర్లపై మరిన్ని వివరాలు తెలుసుకుందాం రండి.
వీవో X200 సిరీస్‌లో మూడు మోడల్స్ ఇవే:
- Vivo X200
- Vivo X200 Pro
- Vivo X200 Pro Mini
వివో తన మలేషియా ఫేస్బుక్ పేజీలో Vivo X200 సిరీస్ను శుక్రవారం పరిచయం చేసింది. అయితే మలేషియాలో ఈ సిరీస్ను ఎప్పుడు ప్రారంభిస్తుందో కంపెనీ వెల్లడించలేదు. అయితే టీజర్ పోస్టర్ దాని డిజైన్ గురించి సమాచారాన్ని అందిస్తుంది. ఇది వరుసగా Vivo X200, Vivo X200 Mini.. టైటానియం, టైటానియం గ్రీన్ కలర్ ఆప్షన్‌లను చూపుతుంది.
Vivo X200 సిరీస్ స్పెసిఫికేషన్స్: Vivo X200 సిరీస్ అక్టోబర్‌లో చైనాలో 12GB + 256GB స్టోరేజ్ వేరియంట్ CNY 4,300 (దాదాపు రూ. 51,000) ప్రారంభ ధరతో లాంచ్ అయ్యాయి. Vivo X200 లైనప్‌లోని అన్ని మోడల్‌లు MediaTek Dimensity 9400 ప్రాసెసర్‌పై నడుస్తాయి.
ఇవి 50-మెగాపిక్సెల్ ప్రైమరీ కెమెరాతో సహా Zeiss-బ్రాండెడ్ ట్రిపుల్ రియర్ కెమెరా సెటప్‌ను కలిగి ఉంటాయి. అవన్నీ OriginOS 5పై రన్ అవుతాయి. వీటిలోని వనిల్లా Vivo X200 5,800mAh బ్యాటరీ 90W వైర్డు ఛార్జింగ్‌కు సపోర్ట్ చేస్తుంది.
మరోవైపు Vivo X200 Pro, X200 Pro Mini వరుసగా 6,000mAh, 5,800mAh బ్యాటరీలతో వస్తాయి. ఇవి 90W వైర్డ్ ఛార్జింగ్ సపోర్ట్‌తో వస్తాయి. Vivo X200 సిరీస్ను నవంబర్ చివరిలో లేదా డిసెంబర్ మొదటి వారంలో ఇండియాలో అధికారికంగా విడుదల చేయొచ్చని సమాచారం.
ఐఫోన్లో కొత్త యాపిల్ ఇంటెలిజెన్స్ ఫీచర్లు- యూజర్లకు ఇక పండగే!
హైదరాబాద్లోనే ఉంటున్నారా?- నేటి నుంచి టెక్నాలజీ మేళా- సెలబ్రిటీలు కూడా వస్తున్నారంట!
