How to Make Soya Chunks Manchurian : మంచూరియా.. ఈ పేరు వింటే చాలు చాలా మందికి తినాలనిపిస్తుంది. ఈ క్రమంలోనే బయట ఫాస్ట్ఫుడ్ సెంటర్స్కి వెళ్లి చికెన్ మంచూరియా, వెజ్ మంచూరియా వంటివి టేస్ట్ చేస్తుంటారు. అయితే, ఎప్పుడూ అవేకాకుండా ఇంట్లోనే ఈజీగా ఇలా "మీల్ మేకర్ మంచూరియా" ట్రై చేయండి. టేస్ట్ సూపర్గా ఉంటుంది! ఎంతలా అంటే.. మీల్ మేకర్స్ తినడానికి ఇష్టపడని వారూ దీన్ని ఎంతో ఇష్టంగా తినేస్తారంటే నమ్మండీ! మరి, ఈ సూపర్ టేస్టీ మంచూరియాను ఎలా ప్రిపేర్ చేసుకోవాలి? కావాల్సిన పదార్థాలేంటి? అనే వివరాలు ఇప్పుడు చూద్దాం.
కావాల్సిన పదార్థాలు :
- పెద్ద సైజ్ మీల్ మేకర్స్ - ఒకటిన్నర కప్పు
- ఉప్పు - రుచికి సరిపడా
- అల్లంవెల్లుల్లి పేస్ట్ - 1 టీస్పూన్
- షెజ్వాన్ సాస్/చిల్లీ సాస్ - 2 టీస్పూన్లు
- సోయా సాస్ - 2 టీస్పూన్లు
- మైదా పిండి - 2 టేబుల్స్పూన్లు
- కార్న్ఫ్లోర్ - 4 టేబుల్స్పూన్లు
- ఆయిల్ - తగినంత
- అల్లం ముక్కలు - 1 టీస్పూన్
- వెల్లుల్లి ముక్కలు - 1 టీస్పూన్
- పచ్చిమిర్చి - 2
- సన్నగా తరుక్కున్న ఆనియన్స్ - కొన్ని
- మిరియాల పొడి - అరటీస్పూన్
- టమాటా సాస్ - 2 టేబుల్స్పూన్లు
- వెనిగర్ - 1 టీస్పూన్
- కొత్తిమీర తరుగు - కొద్దిగా
- స్ప్రింగ్ ఆనియన్స్ తరుగు - కొంచం
తయారీ విధానం :
- ముందుగా మీల్ మేకర్స్ని ఉడికించుకోవాలి. అందుకోసం స్టౌపై పాన్ పెట్టుకొని మూడు కప్పుల వాటర్తో పాటు అరటీస్పూన్ ఉప్పు వేసి నీళ్లను వేడిచేసుకోవాలి. వాటర్ వేడయ్యాక మీల్ మేకర్స్ అందులో వేసి రెండు నిమిషాల పాటు ఉడికించుకోవాలి.
- ఆవిధంగా ఉడికించుకున్నాక స్టౌ ఆఫ్ చేసి వాటర్ని వడకట్టుకోవాలి. ఆపై అందులో చల్లని వాటర్ పోసుకొని చేతితో మీల్ మేకర్స్లోని అదనపు నీటిని పిండి ఒక మిక్సింగ్ బౌల్లోకి వేసుకోవాలి.
- అనంతరం ఆ మీల్మేకర్స్లో ఉప్పు, అల్లంవెల్లుల్లి పేస్ట్, 1 టీస్పూన్ చొప్పున షెజ్వాన్ సాస్/చిల్లీ సాస్, సోయా సాస్, 3 టేబుల్స్పూన్ల కార్న్ఫ్లోర్(మొక్కజొన్న పిండి), మైదా పిండిని వేసుకొని ఇంగ్రీడియంట్స్ అన్నీ మీల్ మేకర్స్కి చక్కగా కోటింగ్ అయ్యేలా మిక్స్ చేసుకోవాలి. ఆపై 10 నిమిషాల పాటు అలా వదిలేయాలి.
- అయితే, మిక్స్చేసుకునేటప్పుడు పొడిపొడిగా అనిపిస్తే కొన్ని వాటర్ని చల్లుకుంటూ కలుపుకోవచ్చు. అలాగే.. మీల్ మేకర్స్కి పిండి సరిగా కోటింగ్ అయినట్లు అనిపించకపోతే అదనంగా కొద్దిగా మైదా, కార్న్ఫ్లోర్ యాడ్ చేసుకొని కలుపుకోవచ్చు.
- 10 నిమిషాల తర్వాత స్టౌపై పాన్ పెట్టుకొని డీప్ ఫ్రైకి తగినంత ఆయిల్ వేసుకోవాలి. నూనె బాగా వేడయ్యాక ముందుగా కలిపి పెట్టుకున్న మీల్ మేకర్స్ని ఒక్కక్కటిగా వేసుకొని బాగా ఫ్రై చేసుకోవాలి.
- మిల్ మేకర్స్ చక్కగా వేగి క్రిస్పీగా, గోల్డెన్ కలర్లోకి వచ్చాయనుకున్నాక.. వాటిని జాలీ గంటెతో టిష్యూ పేపర్ వేసుకున్న ప్లేట్లోకి తీసుకోవాలి.
- అనంతరం స్టౌపై మరో పాన్ పొట్టుకొని రెండు టేబుల్స్పూన్ల ఆయిల్ వేసుకోవాలి. నూనె కాస్త వేడయ్యాక సన్నగా తరుక్కున్న వెల్లుల్లి, అల్లం ముక్కలు, పచ్చిమిర్చి చీలికలు, సన్నని ఉల్లిపాయ ముక్కలు వేసుకొని దోరగా ఫ్రై చేసుకోవాలి.
- ఆ తర్వాత అందులో మిరియాల పొడి, రుచికి సరిపడా ఉప్పు, 1 టీస్పూన్ చొప్పున షెజ్వాన్, సోయా సాస్, టమాటా సాస్, వెనిగర్ వేసుకొని అన్నీ కలిసేలా కలుపుకోవాలి.
- ఇప్పుడు ఒక చిన్న కప్పులో కొద్దిగా వాటర్ తీసుకొని 1 టేబుల్స్పూన్ కార్న్ఫ్లోర్ వేసుకొని ఉండలు లేకుండా కలుపుకోవాలి.
- తర్వాత దాన్ని స్టౌపై వేడి చేసుకుంటున్న మిశ్రమంలో వేసి రెండు నుంచి మూడు నిమిషాల పాటు లో ఫ్లేమ్ మీద కలుపుతూ ఉడికించుకోవాలి.
- అనంతరం అందులో ముందుగా వేయించుకున్న మిల్మేకర్స్తో పాటు కొత్తిమీర, స్ప్రింగ్ ఆనియన్స్ తరుగు వేసుకొని ఒకసారి చక్కగా కలుపుకొని సర్వ్ చేసుకుంటే చాలు. అంతే.. ఎంతో టేస్టీగా ఉండే "మీల్ మేకర్ మంచూరియా" రెడీ!
నిమిషాల్లో ఘుమఘుమలాడే "మీల్ మేకర్ కుర్మా"- ఈ టిప్స్ పాటిస్తూ చేస్తే మటన్ కూడా దిగదుడుపే!
