భద్రాద్రి కొత్తగూడెం జిల్లా మణుగూరు మండల పరిధిలోని సాంబయ్యగూడెంలో విషాదం చోటు చేసుకుంది. టిప్పర్ మీద పనిచేసే కుమారస్వామి ఎప్పటిలాగే.. సాంబయ్యగూడెం ఇసుక క్వారీ వద్ద టిప్పర్లో ఇసుక నింపి మరో ఇద్దరితో కలిసి పరదా కప్పుతున్నారు. అదే సమయంలో భారీ ఉరుములు, మెరుపులతో కూడిన వర్షం రావటం.. కుమారస్వామి మీద పిడుగు పడడం వల్ల కుమారస్వామి అక్కడికక్కడే ప్రాణాలు విడిచాడు.
మృతుడికి భార్య, ముగ్గురు పిల్లలు ఉన్నారు. కుటుంబానికి పెద్ద దిక్కైన కుమారస్వామి మరణం వల్ల ఆ కుటుంబం కన్నీరు మున్నీరైంది. కుమారస్వామి కుటుంబానికి తెరాస, సీపీఐ మండల నాయకులు తమ ప్రగాఢ సంతాపం ప్రకటించారు.
ఇవీ చూడండి: 'మీ అందరి సూచనలను పరిగణనలోకి తీసుకుంటాం'
