ఫ్లెక్సీ కట్టాడు..లక్ష రూపాయల జరిమానా చెల్లించాడు..

పురపాలక శాఖ మంత్రి కేటీఆర్​ ఫ్లెక్సీలు ఏర్పాటు చేసినందుకు గానూ ఇల్లెందు మున్సిపల్ ఛైర్మన్ జరిమానా చెల్లించారు. ఇన్​ఛార్జ్ కమిషనర్​కు రూ. లక్షను చెక్కు అందజేశారు.

పురపాలకశాఖ మంత్రి కేటీఆర్​ విధించిన రూ. లక్ష జరిమానాను ఇల్లెందు మున్సిపల్​ ఛైర్మన్​ దమ్మాలపాటి వెంకటేశ్వర్లు చెక్కు ద్వారా చెల్లించారు. జిల్లా ఇన్​ఛార్జి కమిషనర్ శ్రీనివాస్​రెడ్డికి అందజేశారు.

మార్చి 1న భద్రాద్రి కొత్తగూడెం జిల్లా ఇల్లెందులోని పట్టణ ప్రగతి కార్యక్రమానికి మంత్రి కేటీఆర్​ను ఆహ్వానిస్తూ ఫ్లెక్సీలు ఏర్పాటు చేశారు. అది గమనించిన కేటీఆర్​ మున్సిపల్​ ఛైర్మన్​కు రూ. లక్ష జరిమానా విధించారు.