భద్రాద్రి కొత్తగూడెం జిల్లా భద్రాచలం(Bhadrachalam)లో జగదీష్ కాలనీకి చెందిన అసన్ మహమ్మద్ నివాసముంటున్నారు. అసన్కు ఇద్దరు కుమార్తెలున్నారు. ఇటీవల మహమ్మద్ కరోనా బారిన పడ్డారు. చికిత్స నిమిత్తం ఆస్పత్రిలో చేరినా ఫలితం లేకపోయింది. దీంతో ఆయన కొవిడ్(Covid-19)తో మృతిచెందారు.
అసన్కు అంత్యక్రియలు చేసేందుకు బంధువులు ముందుకు రాలేదు. కుమారులు కూడా లేకపోవడంతో.. కుటుంబసభ్యులు సీపీఎం పట్టణ కమిటీ నిర్వహిస్తున్న బీసీఆర్ ట్రస్టు సభ్యుల(BCR Trust Members)కు సమాచారం అందించారు. వారి విజ్ఞప్తి మేరకు ట్రస్ట్ సభ్యులు అంత్యక్రియలు(Funeral) నిర్వహించారు. ఈ కార్యక్రమంలో ట్రస్ట్ నిర్వాహకులు, సీపీఎం పార్టీ పట్టణ కార్యదర్శి గడ్డం స్వామి, కార్యదర్శి వర్గసభ్యులు భీమవరపు వెంకటరెడ్డి, నకిరికంటి నాగరాజు, లాయర్ పామరాజు తిరుమలరావు తదితరులు పాల్గొన్నారు. అనంతరం అసన్ కుటుంబ సభ్యులు బీసీఆర్ ట్రస్ట్ నిర్వాహకులకు ధన్యవాదాలు తెలియజేశారు.
ఇదీ చూడండి: Inspiration : ప్రాణంపోయే స్థితిలోనూ... ప్రాణావాయువును అందిస్తోన్న మాతృమూర్తి
