Fighting in Marriage: ఆ తండాలో పెళ్లి వేడుక జరుగుతోంది. పెళ్లి కొడుకు తరఫు బంధువులు రాకతో అంతా సందడిగా మారింది. ఇంతలో ఏమైందో తెలియదు కానీ స్థానికులకు పెళ్లి కొడుకు తరఫు బంధువులకు చిన్నపాటి గొడవ మొదలైంది. అలా మొదలైన ఆ గొడవ పెద్దగా మారి కొట్టుకునే స్థాయికి చేరింది. ఈ ఘర్షణలో కొంతమంది పెళ్లి కొడుకు బంధువులకు గాయాలయ్యాయి. ఇంతలో పెళ్లికొడుకు తరఫు బంధువులు పోలీసులకు ఫిర్యాదు చేశారు. సమాచారం అందుకున్న పోలీసులు తండాకు చేరుకున్నారు.
ఇరువర్గాలను శాంతింపజేసే ప్రయత్నం చేశారు. గాయపడిన వారిని ఎస్సై తన వాహనం తీసుకెళ్లాలని నిర్ణయించుకున్నాడు. వారిని తన వాహనంలోకి ఎక్కిస్తుండగా... ఏకంగా ఎస్సైపైనే దాడికి యత్నించారు తండా వాసులు. వారిని ఎదిరించి కానిస్టేబుళ్ల సాయంతో గాయపడిన వారిని ఎస్సై అక్కడి నుంచి ఆస్పత్రికి తరలించారు. ప్రస్తుతం వారు చికిత్స పొందుతున్నారు. తండాలో ఎలాంటి అవాంఛనీయ ఘటనలు జరగకుండా పోలీసులు కట్టుదిట్టమైన ఏర్పాట్లు చేశారు.
ఈ ఘటన భద్రాద్రి కొత్తగూడెం జిల్లా ఇల్లందు మండలం బొంబాయి తండాలో చోటుచేసుకుంది. గ్రామంలోని యువతికి మహబూబాబాద్కు చెందిన యువకుడితో వివాహం నిశ్చయించారు. పెళ్లి వేడుక కోసం వచ్చిన వరుడి బంధువులకు స్థానికులకు మధ్య ఘర్షణ చోటుచేసుకుంది. పెళ్లి కొడుకు బంధువులు డయల్ 100 సమాచారం ఇచ్చారు. ఘటనాస్థలికి చేరుకున్న కొమరారం ఎస్సై రమణారెడ్డి... గాయపడిన పెళ్లి కొడుకు తరఫు బంధువులు ముగ్గురిని తన వాహనంలో వైద్యం కోసం తీసుకువెళ్తున్న ఎస్సై రమణారెడ్డిపై దాడికి యత్నించారు. వారిని వైద్యం కోసం తీసుకువెళ్లవద్దని అడ్డుకున్నారు. గాయపడిన ముగ్గురిని కొమరారం వైద్యశాలకు తరలించి చికిత్స చేయిస్తున్నారు. ఘర్షణ నేపథ్యంలో ఎలాంటి అవాంఛనీయ ఘటనలు జరగకుండా పోలీసులు కట్టుదిట్టమైన చర్యలు చేపట్టారు.
ఇవీ చూడండి:
