'కేసీఆర్ సంక్షేమ పథకాలతో పేదలకు కొండంత అండ'

భద్రాద్రి కొత్తగూడెం జిల్లా జూలూరుపాడులో లబ్ధిదారులకు ఎమ్మెల్యే రాములు నాయక్ సీఎం సహాయనిధి చెక్కులను పంపిణీ చేశారు. ముఖ్యమంత్రి కేసీఆర్​ ప్రవేశపెట్టిన సంక్షేమ పథకాలతో బలహీన వర్గాలకు కొండంత అండ లభించిందని చెప్పారు.

భద్రాద్రి కొత్తగూడెం జిల్లా జూలూరుపాడు, ఏన్కూరు మండలాలకు చెందిన 11 మందికి సీఎంఆర్ఎఫ్ చెక్కులను అందజేశారు. స్థానిక క్యాంపు కార్యాలయంలో ఎమ్మెల్యే రాములునాయక్​ ఆధ్వర్యంలో లబ్ధిదారులకు చెక్కులను పంపిణీ చేశారు. కార్యక్రమంలో సొసైటీ ఛైర్మన్ వెంకట్​రెడ్డి, ఎంపీపీ, మార్కెట్ ఛైర్మన్ తదితరులు పాల్గొన్నారు.

తెలంగాణ రాష్ట్ర ప్రభుత్వం.. సంక్షేమ పథకాలతో పాటు ఆపదలో ఉన్నవారిని ఆదుకునేందుకు ఆరోగ్యశ్రీ, సీఎం సహాయ నిధితో అండగా నిలుస్తోందని ఎమ్మెల్యే అన్నారు. సీఎం కేసీఆర్​ ప్రవేశపెట్టిన సంక్షేమ పథకాలతో బలహీన వర్గాలకు తెరాస ప్రభుత్వం ఎల్లప్పుడూ తోడుగా ఉంటుందని ఆయన పేర్కొన్నారు.

ఇదీ చూడండి: హైదరాబాద్​కు 200 టన్నుల అమోనియం నైట్రేట్​!