వ్యవసాయ చట్టాల రద్దు చేయాలని డిమాండ్ చేస్తూ ఆదిలాబాద్‌ కలెక్టరేట్‌ ఎదుట కాంగ్రెస్‌ ఆధ్వర్యంలో నిర్వహించిన ధర్నా స్వల్ప ఉద్రిక్తతకు దారితీసింది. ఏఐసీసీ సభ్యురాలు గండ్రత్‌ సుజాత, పార్టీ ఇన్‌ఛార్జ్ జిల్లా అధ్యక్షుడు సాజీద్‌ఖాన్‌ ఆ పార్టీ శ్రేణులతో కలసి కలెక్టరేట్‌లోకి దూసుకెళ్లే యత్నం చేయగా.. పోలీసులు అడ్డుకున్నారు. ఈ ఘటన పోలీసులు, ఆ పార్టీ నేతల మధ్య ఘర్షణకు కారణమైంది.
ప్రభుత్వం దిగిరాకపోతే..
ఫ్లకార్డులు పట్టుకుని కొత్త చట్టాల విషయంలో కేంద్ర , రాష్ట్ర ప్రభుత్వాల తీరుని దుయ్యబట్టారు. ప్రభుత్వాలకు వ్యతిరేకంగా నినాదాలు చేస్తూ.. నూతన చట్టాలను రద్దు చేయాలని డిమాండ్ చేశారు. ప్రభుత్వం దిగిరాకపోతే ఈనెల 26 నుంచి రైతులతో కలిసి.. అన్ని గ్రామాల్లో ఆందోళనలు ఉద్ధృతం చేస్తామని ప్రకటించారు.
ఇదీ చదవండి:'మీరు పరిష్కరిస్తారా? చట్టాలపై మేము స్టే విధించాలా?'
