బండరాళ్లను పేల్చే క్రమంలో యువకుడికి తీవ్రగాయాలు

ఆదిలాబాద్​ జిల్లా భీంసరి గ్రామంలో చెక్​డ్యామ్​ నిర్మాణం కోసం బండరాళ్లను బ్లాస్టింగ్​ చేసే క్రమంలో ఓ యువకుడికి తీవ్రగాయాలయ్యాయి. పరిస్థితి విషమంగా ఉన్నట్లు వైద్యులు చెబుతున్నారు.

ఆదిలాబాద్ జిల్లా ఆదిలాబాద్​ రూరల్​ మండలం భీంసరి గ్రామంలో పేలుడు ఘటన కలకలం రేపింది. చెక్​డ్యామ్ నిర్మాణంలో భాగంగా బండరాళ్లను బ్లాస్టింగ్ చేసే క్రమంలో ఈ ఘటన చోటుచేసుకుంది. ఈ పేలుళ్ల కారణంగా బండరాళ్లు గ్రామాల్లోకి ఎగిసిపడ్డాయి. దీంతో గ్రామానికి చెందిన యువకుడు సాయిచరణ్​కు తీవ్ర గాయాలయ్యాయి. గ్రామస్థులు, కుటుంబీకులు అతడిని రిమ్స్ ఆస్పత్రికి తరలించారు. తలకు బలమైన గాయం కావడం వల్ల పరిస్థితి విషమంగా ఉన్నట్లు వైద్యులు చెబుతున్నారు.

ఇవీ చూడండి: విద్యుదాఘాతంతో రైతు మృతి