ఒకవైపు స్వదేశం అల్లకల్లోలంగా ఉన్నా ఇద్దరు అఫ్గానిస్థాన్ క్రీడాకారులు పారాలింపిక్స్లో (Tokyo paralympics) పోటీపడుతున్నారు. ఆ దేశ అథ్లెట్లు జకియా ఖుదాది, హుస్సేన్‌ రసౌలీ శనివారం క్రీడా గ్రామానికి చేరుకున్నారు. వీళ్లిద్దరు కాబుల్ నుంచి పారిస్‌కు.. అక్కడి నుంచి టోక్యోకు వచ్చారు. జకియా మహిళల తైక్వాండో(44-49 కిలోల విభాగం)లో పోటీపడుతుండగా.. హుస్సేన్‌ 400 మీటర్ల పరుగు బరిలో ఉన్నాడు. 2004 ఏథెన్స్‌ పారాలింపిక్స్ తర్వాత అఫ్గాన్ తరఫున పోటీపడుతున్న తొలి మహిళా అథ్లెట్‌ జకియానే కావడం విశేషం.
ఏం జరిగిందంటే?
ఇటీవల జాకియా ఖుదాదాది ఓ మీడియా సంస్థతో మాట్లాడుతూ.. తన దేశం తరఫున పారాలింపిక్స్లో ప్రాతినిధ్యం వహించాలని ఉందని మనసులో మాట బయటపెట్టింది. దాని కోసం ఆమె ప్రపంచదేశాల సాయాన్ని కోరింది. అఫ్గానిస్థాన్ రాజధాని కాబుల్ను తాలిబన్లు అక్రమించుకున్న తర్వాత అంతర్జాతీయ విమాన సేవలు రద్దయ్యాయి. దీంతో పారాలింపిక్స్లో పాల్గొనేందుకు అథ్లెట్లకు ప్రయాణించే అవకాశం లేకపోయింది. దీంతో ఆ దేశ క్రీడాకారులు విశ్వక్రీడల్లో పాల్గొనే అవకాశంపై సందేహాలు వ్యక్తం అయ్యాయి. అయితే ఎట్టకేలకు వారు పారాలింపిక్స్లో బరిలోకి దిగుతున్నారు.
ఇదీ చదవండి : INDvsENG: మూడో టెస్టులో టీమ్ఇండియా ఘోర పరాజయం
