ప్రముఖ టీటీ ప్లేయర్ మనికా బాత్రాపై టేబుల్ టెన్నిస్ ఫెడరేషన్ క్రమశిక్షణ ఉల్లంఘన చర్యలు తీసుకునే అవకాశం ఉంది. ప్రస్తుతం జరుగుతున్న ఒలింపిక్స్లో ఆమె జాతీయ్ కోచ్ సౌమ్యదీప్ రాయ్ సలహాలు, సూచనలను తీసుకోకపోవడమే ఇందుకు కారణం. ఈ విషయాన్ని ఫెడరేషన్ సెక్రటరీ జనరల్ అరుణ్ కుమార్ బెనర్జీ చెప్పారు.
"ఇది క్రమశిక్షణ ఉల్లంఘన చర్య. మిగతా ఆటగాళ్ల తరహాలోనే మనిక కూడా జాతీయ కోచ్ సలహాలను తీసుకోవాలి. రాయ్ భారత్లో ఉన్న ఉత్తమ ఆటగాళ్లలో ఒకరు. త్వరలోనే వర్చువల్గా ఎగ్జిక్యూటివ్ బోర్డ్ మీటింగ్ జరుగుతుంది. ఈ సమావేశంలో ఆమెపై చర్యలు తీసుకునేలా నిర్ణయం తీసుకుంటాం"
-అరుణ్ కుమార్, టీటీఎఫ్ఐ సెక్రటరీ జనరల్.
బాత్రా ఒలింపిక్స్కు తన వ్యక్తిగత కోచ్ సన్మయ్ మెగాక్రీడలకు తీసుకెళ్లాలని భావించింది. కానీ అందుకు నిర్వాహకులు ఒప్పుకోలేదు. దీంతో అసంతృప్తి చెందిన ఆమె.. మెగాక్రీడల్లో ప్రస్తుతమున్న కోచ్ సాయం తీసుకోకుండానే ఒంటరిగా పోరాడింది. రాయ్.. 2006 కామన్వెల్త్ గేమ్స్ టీమ్ ఈవెంట్లో స్వర్ణ పతకాన్ని గెలుచుకున్నాడు. అర్జున్ అవార్డు కూడా ఆయనను వరించింది.
కచ్చితంగా పతకం సాధిస్తుందనే భారీ అంచనాలతో టోక్యో ఒలింపిక్స్‌లోకి అడుగుపెట్టిన మనిక బత్రా.. మహిళల సింగిల్స్లో మూడో రౌండ్లో వెనుదిరిగింది. అనంతరం మిక్స్డ్ డబుల్స్లోనూ శరత్ అచంట-మనిక బాత్రా జోడీ చైనా ద్వయం లిన్ యున్ జు, చెంగ్ ఐ చింగ్ చేతిలో ఓటమి పాలై ఇంటిముఖం పట్టింది.
ఇదీ చూడండి: olympics live: పీవీ సింధు విజయం.. రౌండ్-16కు అర్హత
